सरकार गठनको करिब एक महिना हुँदा पनि जेनजीको मागहरू पूर्ण रूपमा पूरा नभएको भन्दै आज माइतीघरमा आन्दालेन गर्न पुगेका जेनजी अगुवा डा. निकोलस भुसालसहित तीन जना पक्राउमा परेका छन् ।
नागरिक सरकारले नै जेनजीको मागलाई बेवास्ता गरेको भन्दै केही व्यक्तिहरूले माइतीघर मण्डलामा प्रदर्शन गर्न उत्रिएपछि प्रहरीले उनीहरूलाई पक्राउ गरेको हो । पक्राउ पर्नेहरूमा डा.निकोलस भुसाल, एसपी साह र सञ्जि दाहाल रहेका छन्। जिल्ला प्रशासन कार्यालय काठमाडौंले कुनै पनि प्रकारको धर्ना, जुलुस र प्रदर्शनका लागि अनुमति नदिएको अवस्थामा प्रदर्शन गर्न पुगेपछि उनीहरू पक्राउमा परेका हुन् ।
एमाले निकट विद्यार्थी संगठन अखिलले काठमाडौं महानगरपालिकाका प्रमुख बालेन्द्र साह र हामी नेपालका संस्थापक सुदन गुरुङविरुद्ध जाहेरी दिने भएको छ । जेनजी आन्दोलनको क्रममा सार्वजनिक सम्पत्ति तोडफोड र आगजनी भएकाले साह र गुरुङविरुद्ध जाहेरी दिन लागेको अखिलले जनाएको छ ।
