नेपाल पत्रकार महासंघ सुर्खेत शाखाले ३४ औँ स्थापना दिवस विभिन्न कार्यक्रम गरि मनाएको छ । शाखाको स्थापना दिवसको अबसर पारि पहिलो दिन फुटवल प्रतियोगिता सम्पन्न भएको थियो । यस्तै दास्रो दिन पत्रकारहरुलाई स्वास्थ्य परिक्षण गरिएको थियो । यस्तै मंगलबार आज प्रभातफेरी तथा शुभकामना आदान प्रदान तथा शाखाका संस्थापकहरुलाई सम्मान कार्यक्रम आयोजना गरिएको थियो ।

मंगलबार वीरेन्द्रनगरको मंगलगडी चौकबाट र्याली निकालेर महासंघको सभाहलमा परिणत गरिएको थियो । र्यालीमा सुर्खेतका क्रियाशिल पत्रकारहरुको सहभागिता रहेको थियो । स्थापना दिवसका अवसरमा शाखाका संस्थापक अध्यक्ष चिरञ्जिवी अर्याल लगायत संस्थापकहरु बालाराम शर्मा, पीताम्बर ढकाल, डा‍‍. दीपक गौतम, श्रीधर पौड्याल,कुमार ढकाल,भानुभक्त भारती,कमलराज रेग्मी,डील्लीराम पाठक, भरत ज्ञवाली,निरक केसीलाई सम्मान गरिएको छ भने संस्थापक स्व.जीवन कुमार शाक्यलाई मरनोपरान्त सम्मान गरिएको छ ।

शुभकामना तथा सम्मान कार्यक्रममा बोल्दै संस्थाका अध्यक्ष सुशिलराज शर्माले संस्थाको स्थापना गर्ने महान व्यक्तिहरूको योगदानले मनोबल बढाउनुका साथै नयाँ पुस्तालाई प्रेरणा दिने विश्वास व्यक्त गरे । कार्यक्रममा विभिन्न पेसागत संगठनका प्रतितिधीहरुले शुभकामना मन्तव्य राखेको थिए ।

जंगलमा फिरन्ते जीवन बिताउने लोपोन्मुख राउटे समुदायका मुखिया सूर्यनारायण शाहीको मृत्यु भएको छ । उनको सोमबार राति साढे नौ बजेतिर मृत्यु भएको राउटे समुदायसँग काम गर्दै आएको सोसेक नेपालका जोडी शिक्षक लालबहादुर खत्रीले जानकारी दिए ।

अत्याधिक मदिरा सेवनका कारण उनको मृत्यु भएको हो । राउटे समुदायका तीन जना मुखिया हुन्छन् । राउटे समुदायमा तीन गोत्र छन् । तीन गोत्र मध्ये उनी कल्याल गोत्रबाट मुखिया भएका हुन् । सूर्यनारायण २०७२ जेठमा मुखिया बनेका थिए ।

राउटे समुदाय अहिले दुई ठाउँमा छुट्टिएर बस्दै आएको छ । उनी एउटा समूहको नेतृत्व गर्दै बराहताल गाउँपालिका-८ सुर्खेतको सोतखोलामा बस्दै आएका छन् । अर्को समूह भने दुई मुखियासहित वीरेन्द्रनगर–१३ को करेखोलामा बस्दै आएको छ । अब राउटेको संख्या घटेर १३५ पुगेको छ।

नेपाल पत्रकार महासंघ सुर्खेत शाखाको ३४ औँ स्थापना दिवसका अवसरमा विभिन्न तिन दिने कार्यक्रम आयोजना गरिएको छ । जस अनुसार आइतबार फुटवल प्रतियोगिता सम्पन्न गरिएको थियो । भने सोमबार निःशुल्क स्वास्थ्य शिविर सम्पन्न गरिएको छ । यस्तै मंगलबार प्रभातफेरी तथा शुभकामना आदानप्रदानको कार्यक्रमको आयोजना गरिएको छ ।

यस्तै सोमबार नेपाल पत्रकार महासंघ सुर्खेत शाखाको आयोजना र प्रदेश अस्पताल कालागाउँ सुर्खेतको प्राविधिक सहयोगमा सोमबार आयोजना गरिएको पत्रकारहरूको स्वास्थ्य परीक्षण शिविर सम्पन्न भएको छ ।

शिविरमा जनरल जाँच, आँखा, दाँत साथै सुगर, प्रेसर, मुटु, मिर्गौला, पाठेघरको मुखको क्यान्सर परीक्षण, कलेजोसँग सम्बन्धित रोगहरूको परीक्षण गरिएको र ७० भन्दा बढी पत्रकारले स्वास्थ्य जाँच गराएको छन् ।

शिविरमा इन्टरनल मेडिसियन कन्सल्टेन्ट फिजिसियन डा. खेम नारायण चालिसे, नेरोगत्र विशेषज्ञ डा. शक्ति सुवेदी, दन्त रोग विशेषज्ञ डा. पूर्ण पौडेल, वरिष्ठ ल्याब टेक्निसियन निरीक्षक भरत देवकोटा, ल्याब टेक्निसियनहरू विमला रावत, विकास गिरी, डिलमाया सोमै, अञ्जली बिक र अफ्थफाल्मिक असिस्टेण्ट आरूसा केसीले सेवा दिएका थिए ।