आँधीसँगैको पहिरोमा परी २७ जनाको मृत्यु

भारतको मिजोरम राज्यमा आँधीसँगैको वर्षाका कारण गएको पहिरोमा परी २७ जनाको मृत्यु भएको छ।

बीबीसीका अनुसार मिजोरजमको राजधानी आइजोलमा रेमल आँधीका कारण मङ्गलवार पहिरो खस्दा ठूलो जनधनको क्षति भएको हो।

मिजोरम सरकारको सूचना एवं जनसम्पर्क विभागका अनुसार पहिरोका कारण पानी र विद्युत सेवा ठप्प भएका छन्।

मिजोरममा रेमल आँधीका कारण ठूलो वर्षा हुँदैछ।

सरकारले आँधी र वर्षाको जोखिमलाई ध्यानमा राखी सावधानी र सतर्कता अपनाउन आग्रह गरेको छ।