मधुमेह पीडित महिलाभन्दा पुरुषमा यी रोगको जोखिम धेरै!

मधुमेहले पीडित पुरुषहरूलाई लिएर एक नयाँ अध्ययन प्रतिवेदन सार्वजनिक भएको छ। अध्ययनका अनुसार मधुमेहबाट पीडित पुरुषहरूमा महिलाको तुलनामा गम्भीर स्वास्थ्य समस्या उत्पन्न गराउने जोखिम बढी हुन्छ।

अस्ट्रेलियाको सिडनी विश्वविद्यालयका अनुसन्धानकर्ताका अनुसार मधुमेहले मुटु, खुट्टा, मिर्गौला र आँखामा हुने रोगहरू महिलाको तुलनामा पुरुषमा बढी देखिएको छ।

अध्ययनमा २५ हजार ७१३ जनालाई सहभागी गराइएको थियो। जसमा सबैको उमेर ४५ वर्षभन्दा माथि थियो र उनीहरू टाइप १ वा टाइप २ मधुमेहका कारण पीडित थिए। यस अध्ययनको क्रममा मधुमेहका कारण उत्पन्न भएको स्वास्थ्य समस्यामाथि १० वर्षसम्म निगरानी गरिएको थियो।

अनुसन्धानकर्ताले अध्ययनमा सहभागीमध्ये ४४ प्रतिशत पुरुषमा स्ट्रोक र हार्ट फेलियरसहित कार्डियो भास्कुलर कम्पलिकेशन पाइयो भने ३१ प्रतिशत महिलामा ती रोगको जोखिम देखिएको बताए।

जर्नल अफ इपिडिमियोलोजी एन्ड कम्युनिटी हेल्थमा प्रकाशित सिड्नी विश्वविद्यालयको उक्त अध्ययन अनुसार मधुमेहका कारण पीडित २५ प्रतिशत पुरुषमा खुट्टा सम्बन्धी समस्या देखियो भने १८ प्रतिशत महिलामा सोही समस्या देखियो। जबकी मधुमेहका कारण पीडित ३५ प्रतिशत पुरुषमा मिर्गौला सम्बन्धी समस्या देखियो भने मधुमेहका कारण पीडित २५ प्रतिशत महिलामा सो समस्या देखियो।

अध्ययनकर्ताका अनुसार मधुमेहका कारण पीडित महिलाको तुलनामा मधुमेहका कारण पीडित पुरुषमा मुटु सम्बन्धी समस्या हुने जोखिमको आशङ्का ५१ प्रतिशत बढी पाइयो।

त्यस्तै मधुमेहका कारण पीडित ४७ प्रतिशत पुरुषमा खु्ट्टा सम्बन्धी समस्या देखियो। मधुमेहका कारण पीडित महिलामा भने पुरुषको तुलनामा बढी समस्या देखियो। अध्ययन अनुसार मधुमेहका कारण पीडित ५७ प्रतिशत पुरुषमा आँखा सम्बन्धी समस्या देखियो भने मधुमेहका कारण पीडित ६१ प्रतिशत महिलामा सो समस्या देखियो।