काभ्रेमा सात सवारी एक आपसमा ठोकिँदा २ जना घाइते भएका छन्।
बुधबार बेलुका करिब ४ बजेको समयमा बनेपा नगरपालिका-१३ साँगामा सबै सवारीहरू एक आपसमा ठोकिएको जिल्ला प्रहरी कार्यालय काभ्रेले जनाएको छ।
प्रहरीका अनुसार साँगाको पुतली रिसोर्ट अगाडि हाइवेको साइडमा रोकी राखेको बा.प्र. ०१००३ क ९९४५ नम्बरको ट्याङ्करसँग साँगाबाट बनेपा तर्फ आइरहेको बा ६३ प ७ नम्बरको मोटरसाइकल ठोकिन पुगेकाे थियाे।
यस्तै बा.प्र.०२-०४४ प ०५७३ नम्बरको स्कुटी र सोही दिशाबाट आइरहेको बा. ७ च ४५३७ नम्बरको कार सोही ट्याङ्करमा ठोकिन पुग्याे।
त्यसपछि बा.प्र-०१-०२६ च ९२३९ नम्बरको योद्धा गाडी बिएसिओ १२३ नम्बरको कारमा गई ठोकिएको थियाे। यस्तै ना-७ ख ५४१ नम्बरको मालवाहक ट्रक पनि सोही कारमा गई ठोकिएको थियो।
दुर्घटनामा काभ्रे पनौती नगरपालिका-२ बस्ने ४८ वर्षिय प्रकाश सापकोटा र बनेपा-५ बस्ने १८ वर्षिय देविना कर्मचार्य घाइते भएका छन्। उनीहरुको शिरमेमोरियल अस्पताल बनेपामा उपचार भइरहेको प्रहरीले जनाएको छ।
प्रहरीका अनुसार ट्याङ्कर र मालवाहक ट्रक बाहेक सबै सवारी साधनमा क्षति पुगेकाे छ। दुर्घटनाबारे थप अनुसन्धान भइरहेको प्रहरीले जनाएको छ।
तस्बिरहरु :
Leave a Reply