नेपाल भलिबल संघको आयोजनामा हुने आठौँ प्रधानमन्त्री कप एनभिए महिला तथा पुरुष भलिबल लिगको तयारी पूरा भएको छ।
बिहीबार काठमाडौँको होटल क्राउन प्लाजामा सम्पन्न सामान्य प्राविधिक बैठकमा प्रतियोगिताको सम्पूर्ण तयारी पूरा भएको प्रतियोगिता संयोजक तथा नेपाल भलिबल संघका उपाध्यक्ष युवराज श्रेष्ठले जानकारी दिए।
उनले प्रतियोगितामा सहभागी सबै टिमलाई शुभकामना दिँदै अनुशासित भएर खेल खेल्न र आफ्नो कैसलता प्रस्तुत गर्न अनुरोध गरे।
यस्तै रेफ्री संयोजक विजय केसीले प्रतियोगितालाई टेक्नीकल पक्षको विषयमा प्रस्ट पारेका थिए।
प्रतियोगिता यहीँ जेठ १९ गतेबाट त्रिपुरेश्वस्थित राष्ट्रिय खेलकुद परिषद्को कबर्ड हलमा आयोजना हुनेछ। प्रतियोगिताको उद्घाटन खेल दिउँसो ३ बजे न्यू डायमन्ड स्पोर्ट्स क्लब र एपीएफ क्लबको महिला टोलीबीच हुनेछ।
जेठ २६ गतेसम्म सञ्चालन हुने प्रतियोगितामा पुरुषतर्फ ८ टोली र महिलातर्फ ६ टोली प्रतिस्पर्धा गर्ने छन्। लिगमा पुरुषतर्फ २८ खेल र महिलातर्फ १५ खेल हुनेछ।
यस्तै प्रतियोगिताको पहिलो दिन ४ पुरुष २ महिलाको गरि कुल ६ खेल हुनेछ।
Leave a Reply