सिटिजन्स बैंकले आफ्ना ग्राहकसँगको संलग्नता बढाउन ‘पार्टनर फर प्रोग्रेस’ नामक फेसबुक भिडियो प्रतियोगिताको आयोजना गरेको छ। व्यक्तिगत वा व्यावसायिक रूपमा प्रगतिमा साथ दिने र जीवनमा सकारात्मक परिवर्तन ल्याउन योगदान पुर्याउने व्यक्ति वा संघ संस्थालाई सबैमाझ चिनाउने र सम्मान गर्ने उद्देश्यले बैंकले सो प्रतियोगिताको आयोजना गरेको हो।
कुनै पनि व्यक्तिको वास्तविक जीवनको सफलताको कथा अरूलाई प्रेरणाको स्रोत बन्न सक्ने भएकाले भिडियो प्रतियोगिताले धेरैलाई प्रेरित गर्ने विश्वास बैंकले लिएको छ। भिडियोलाई मोबाइल भिडियो वा फेसबुक रिलको रूप दिएर प्रतियोगितामा समावेश हुन सकिनेछ।
एक मिनेटसम्मको भिडियो बनाएर फेसबुकमा अपलोड गरी बैंकको फेसबुक पेज ट्याग गरेर भिडियो सार्वजनिक गर्नुपर्ने बैंकले जनाएको छ। प्रतियोगितामा उत्कृष्ट हुने प्रथम, द्वितीय र तृतीय भिडियोलाई सम्मान स्वरूप नगद पुरस्कार क्रमशः ५० हजार, ३० हजार र २० हजार रूपैयाँ पाउने र प्रतियोगिता जेठ महिनाभर सञ्चालन हुने बैंकले जनाएको छ।
Leave a Reply