अख्तियार दुरुपयोग अनुसन्धान आयोगले पर्यटन विकास आयोजना एकाइ कार्यालय काठमाडौंका सब–इञ्जिनियरद्वय राजनकुमार भट्टराई र सञ्जय अर्याललाई घुससहित पक्राउ गरेको छ।
निर्माण सम्पन्नपश्चात् अन्तिम बिल भुक्तानी गर्ने प्रयोजनाका लागि सेवाग्राहीसँग घुस माग गरिरहेको भन्ने सूचनाका आधारमा आयोगको टोलीले उनीहरुलाई कार्यकक्षबाटै आज पक्राउ गरेको हो।
आयोगको टोलीले उनीहरुलाई काठमाडौं महानगरपालिका– ३१ अन्तर्गत विकास आयोजनाबाट १७ हजार रुपैयाँ घुससहित पक्राउ गरेको हो। आरोपीद्वयको थप अनुसन्धान भइरहेको आयोगका सहायक प्रवक्ता देवीप्रसाद थपलियाले जानकारी दिए।
प्रकाशित मिति : २०८१ जेठ १८ गते शुक्रबार