फिल्म निर्देशक सुदर्शन थापा पक्राउ

फिल्म निर्देशक सुदर्शन थापालाई प्रहरीले नियन्त्रणमा लिएको छ।

फिल्म ‘प्रसाद २’ विवादको मुद्दामा काठमाडौंको बालुवाटार क्षेत्रबाट थापालाई सोमबार नियन्त्रणमा लिइएकाे जिल्ला प्रहरी परिसर काठमाडौंका एसपी नवराज अधिकारीले जानकारी दिए।

उनीविरूद्ध निर्माता सुदर्शन बस्नेतले आपराधिक विश्वासघात गरेको भन्दै प्रहरी वृत्त बौद्धमा जाहेरी दिएका थिए। आफूहरूको मन्जुरीबिना चलचित्र ‘प्रसाद–२’ लाई प्रदर्शन गरेर डेढ करोड रुपैयाँ ठगी गरेको भन्दै निर्माता बस्नेतले उजुरी दिएका थिए।

जाहेरी पछि पक्राउ पुर्जी जारी भएपनि फरार रहेका उनलाई प्रहरीले सोमबार पक्राउ गरेको हो।