पूर्व राष्ट्रपति विद्यादेवी भण्डारीले भोजपुरको सर्वाङ्गीण विकास निर्माणका लागि सबै एक भएर लाग्नुपर्ने बताएकी छिन्।
सोमवार काठमाडौंमा कवि शिवकुमार शर्मा पराजुलीको कविता सङ्ग्रह कोकिल लोकार्पण समारोहालाई सम्बोधन गर्दै उनले यस्तो कुरा बताएकी हुन । उनले भोजपुर जिल्ला आफ्नो पनि जन्मस्थान भएको बताउँदै भोजपुरसँग आफ्ना पनि कतिपय संस्मरणहरू गाँसिएको उल्लेख गरिन।
उनले भोजपुर जिल्ला भौतिक पूर्वाधार विकासको दृष्टिकोणबाट तुलनात्मक रुपमा केही पछाडि परेको भए पनि समाज सुधार, शिक्षा, राजनीति, प्रशासनका साथै कला, साहित्य र सङ्गीतको क्षेत्रमा मुलुकका लागि धेरै योगदान दिएको बताइन ।
उनले शिक्षा सेवी एवं समाज सुधारक बाला गुरु षडानन्द अधिकारी धार्मिक तथा सामाजिक सुधारकी अभियन्ता योगमाया न्यौपाने, २००७ सालका क्रान्ति नायकहरू रामप्रसाद राईको नाम सबैले सगौरव लिने गरेको स्मरण गरिन्।पूर्व राष्ट्रपति भण्डारीले अग्रज पुस्ताको ज्ञान र अनुभवले भावी पुस्तालाई पनि प्रेरणा प्रदान गर्ने विश्वास व्यक्त गरिन ।
Leave a Reply