लुम्बिनीमा मन्त्रीपरिषद् पुनः विस्तार भएको छ। सोमबार माओवादीबाट कृष्णा केसी मन्त्री नियुक्त भएकी हुन्।
केसीले ऊर्जा जलस्रोत तथा सिँचाई मन्त्रालयको जिम्मेवारी पाएकी छिन्। केसीलाई प्रदेश प्रमुख अमिक शेरचनले मन्त्रीको शपथ खुवाएका हुन्। योसँगै लुम्बिनी प्रदेश सरकार १२ सदस्यीय बनेको छ। केसीसँगै माओवादीबाट मुख्यमन्त्री सहित ३ मन्त्रालय पाएको छ।
यसैगरि सत्ता साझेदार नेकपा एमालेले ५ मन्त्रालय पाएको छ भने नागरिक उन्मुक्तिले एक मन्त्रालय पाएको छ। यसैगरि जनता समाजवादी पार्टीले एक, नेकपा एकीकृत समाजवादी पार्टीले १, र एक स्वतन्त्र सांसद यसअघि नै मन्त्री बनिसकेका छन्।
मन्त्रीपरिषद् संख्या नबढाउने गरि मन्त्री परिषद् विस्तार गर्ने भनिएपछि मुख्यमन्त्री जोगबहादुर महरा नेतृत्वको सरकार १२ सदस्यीय बनेको छ।
यसअघिका सरकार मुख्यमन्त्री सहित १० सदस्यीय मात्रै थिए। तर गठबन्धनमा आबद्ध दलहरूलाई भागवण्डा मिलाउँदा वर्तमान मन्त्री परिषद् ठूलो बनेको हो।
Leave a Reply