आईसीसी विश्वकप टी–२० अन्तर्गत अफगानिस्तानले युगान्डासमक्ष १८४ रनको लक्ष्य प्रस्तुत गरेको छ।
गुएनास्थित प्रोभिडेन्स स्टेडियममा भइरहेको खेलमा युगान्डाले टस जितेर अफगानिस्तानलाई पहिला ब्याटिङ्ग गर्न निम्तो दिएको थियो। जसमा अफगानिस्तानले धमाकेदार प्रदर्शन गर्दै निर्धारित ओभरमा ५ विकेट गुमाएर १८३ रन बनायो।
अफगानिस्तानका लागि ओपनर ब्याट्सम्यान रहमानुल्लाह गुरबाजले सर्वाधिक ७६ रनको पारी खेले भने इब्राहिम जरदानले ७० रन जोडे। युगान्डाका कप्तान ब्रिएन मसाबा र कसमस केउटाले समान २÷२ विकेट लिँदा अल्पेश रामजानीले १ विकेट लिए।
पहिलोपटक विश्वकप खेलिरहेको युगान्डाका बलरहरूसमक्ष अफगानी ब्याट्सम्यानले तुफानी पारी खेले।
यता, १८४ रनको लक्ष्य पछ्याउँदै मैदान उत्रेको युगान्डाले कमजोर सुरुआत गर्दै ३ विकेट गुमाइसकेको छ।
प्रतियोगिता अन्तर्गत आजै इङग्ल्यान्ड र स्कटल्यान्ड अनि नेपाल र नेदरल्यान्ड्सबीच खेल हुनेछ
Leave a Reply