संसदमा राजेन्द्र लिङ्देनले खोजे अर्थमन्त्री, बैठक स्थगित

राष्ट्रिय प्रजातन्त्र पार्टीका अध्यक्ष राजेन्द्र लिङ्देनले आजको प्रतिनिधिसभाको बैठकमा अर्थमन्त्री खोजेका छन्।

लिङ्देनले बजेटमाथि धारणा राख्दा बैठकमा अर्थमन्त्री खोजेका हुन्। उनले अर्थमन्त्री उपस्थित हुनुपर्ने अडान राखेपछि बैठक स्थगित भएको छ।

बजेटमाथि धारणा राख्न रोष्ट्रममा गएका लिङ्देनले संसदमा अर्थमन्त्री वर्षमान पुनलाई नदेखेको भन्दै खोजी गरे। उपसभामुख इन्दिरा रानाले अर्थमन्त्री राष्ट्रियसभा बैठकमा गएको जानकारी गराइन्। त्यसपछि अर्थमन्त्री प्रतिनिधि सभाको बैठकमा आउने रानाले बताइन्। त्यसबेलासम्म रानाले आफ्नो धारणा राख्न लिङ्देनलाई आग्रह गरिन्।

तर लिङ्देनले अर्थमन्त्री नआएसम्म आफ्नो धारणा नराख्ने अडान राखे। उनले अर्थमन्त्रीलाई कुर्ने बताए।

त्यसपछि सभामुख देवराज घिमिरेले राप्रपा अध्यक्ष राजेन्द्र लिङ्देनलाई आफ्नो सिटमा फर्किन आग्रह गरे र संसद बैठक १५ मिनेटका लागि स्थगित गरे।