उपप्रधान तथा गृहमन्त्री रवि लामिछानेले आज दिनभर कार्यकक्षमा राष्ट्रिय क्रिकेट टोलीको जर्सी लगाएर काम गरेका छन्।
गृहमन्त्री लामिछानेले नेपाली टोलीलाई प्रोत्साहन गर्न र विजयी सुरुवातको कामनाका साथ आज दिनभर कार्यकक्षमा राष्ट्रिय क्रिकेट टोलीको जर्सी लगाएर काम गरेका हुन्।
लामिछाने कूटनीतिक भेटघाटका कार्यक्रममा पनि राष्ट्रिय क्रिकेट टोलीको जर्सी लगाएर नै सहभागी भएका छन्।
आज बिहान राष्ट्रिय स्वतन्त्र पार्टी (रास्वपा) का सांसद्हरू पनि प्रतिनिधि सभाको बैठकमा नेपाली राष्ट्रिय क्रिकेट टोलीको जर्सी लगाएर पुगेका थिए।
सांसदहरू टी-२० विश्वकप खेल्न अमेरिका पुगेको नेपाली टिमको समर्थनमा जर्सी लगाएको बताएका थिए।
१० वर्षपछि टी-२० विश्वकप खेल्न लागेको नेपालको पहिलो खेल नेदरल्यण्डससँग छ। समूह ‘डी’को पहिलो खेल नेपाली समय अनुसार राति सवा ९ बजेबाट सुरु हुनेछ।
Leave a Reply