बर्दियामा करेन्ट लागेर बालकको मृत्यु

बर्दियामा करेन्ट लागेर एक बालको मृत्यु भएको छ। मधुवन नगरपालिका–७ का १४ वर्षीय आयुश कर्णको सोमबार मृत्यु भएको हो।

घर पछाडि सिँचाई गर्नको लागि बोरिङमा मोटर जडान गरि नुहाउने क्रममा करेन्ट लागेर गम्भीर घाइते भएका कर्णको उपचारको क्रममा मृत्यु भएको जिल्ला प्रहरी कार्यालय गुलरियाका डिएसपी तुल्सीराम अर्यालले जानकारी दिए।

‘करेन्ट लागेर घाइते भएका बालकलाई उपचारको लागि बर्दिया अस्पताल पुर्‍याईएको थियो,’ डिएसपी अर्यालले भने,‘अस्पतालमा उपचारको क्रममा पौने ५ बजे बालको मृत्यु भएको हो।’

घटना बारेमा थप अनुसन्धान भइरहेको डिएसपी अर्यालले बताए।