आउटफिल्ड भिजेका कारण नेपाल र नेदरल्याण्ड्स बीचकाे खेलमा ढिलाइ

आइसिसी टी-२० विश्वकपअन्तर्गत समूह ‘डी’ को खेलमा नेपालले नेदरल्यान्ड्ससँग खेल्दै छ।

अमेरिकाको टेक्सासस्थित ग्रान्ड प्रिएरी रंगशालामा वर्षाका कारण खेल केही समय ढिला सुरु हुने भएको छ। ८:४५ बजे टस हुने भनिएको थियो। वर्षाका कारण मैदान भिजेको हुँदा टसमा ढिलाइ भएको हो।

हाल मैदानमा वर्षा नभएपनि मैदानमा पानी रहेकाे छ। मैदान सुकाउने काम भइरहेको छ। अब नेपाली समय अनुसार ९:१५ मा टस हुनेछ भने ९:४५ बजे खेल सुरु हुनेछ।

जारी टी–२० विश्वकपमा नेपाल र नेदरल्यान्ड्स दुवैले आफ्नो पहिलो खेल खेल्न लागेका हुन्।