क्रिकेटर सन्दीप लामिछानेले टी-२० विश्वकप खेल्न अमेरिका पुगेको नेपाली टोलीलाई बधाई दिएका छन्।
मंगलबार सामाजिक सञ्जालमा लेख्दै लामिछानेले विश्वभरका सबै नेपालीहरूलाई गौरवान्वित बनाउन भनेका छन्।
उनले नेपाली टोलीलाई आफ्नो उत्कृष्ट दिन पनि भनेका छन्। आगामी यात्राको लागि पनि लामिछानेले नेपाली टोलीलाई शुभकामना दिएका छन्।
टी-२० विश्वकप खेल्न अमेरिका जान लागेका लामिछानेको भिसा दूतावासले अस्वीकार गरेको थियो। त्यसपछि दूतावाससँग अन्तर्वार्तामा बसेका लामिछानेको दोस्रो पटक पनि भिसा अस्वीकार भएको थियो। दूतावासले भिसा अस्वीकार गरेपछि लामिछाने टी-२० विश्वकप खेल्नबाट वञ्चित भएका छन्।
१० वर्षपछि टी-२० विश्वकप खेल्न लागेको नेपालको पहिलो खेल नेदरल्यण्डससँग छ। समूह ‘डी’को पहिलो खेल नेपाली समय अनुसार राति सवा ९ बजेबाट सुरु हुनेछ।
प्रकाशित मिति : २०८१ जेठ २२ गते मंगलबार