नेदरल्याण्ड्संगको हारबाट दबाबमा छैनौं: सोमपाल कामी

आइसिसी ट्वान्टी–२० विश्वकपमा नेदरल्याण्ड्संगको हारपछि बलर सोमपाल कामीले यो हारबाट दबाबमा नरहेको बताएका छन्।

दोस्रो पटक विश्वकप खेलेका सोमपाल कामीले यो हारबाट हतोत्साहित हुनुपर्ने अवस्था नरहेको बताएका हुन्।

‘यो हारबाट दबाबमा छैनौं। जति पनि दबाब थियो, विश्वकप छनोटमा थियो। यहाँ हामी आफूलाई प्रमाणित गर्न आएका हौं। सुपर आठका लागि योग्य टोली हौं भन्ने सन्देश दिन चाहन्छौं। आज हार व्यहो¥यौं। तर आगामी तीन खेलमा राम्रो गर्नेछौं,’तिब्र गतिका बलर सोमपालले भने।

मंगलबार राति सम्पन्न खेलमा नेपाल नेदरल्याण्ड्ससंग ६ विकेटले पराजित भएको थियो।