नेकपा एमालेका अध्यक्ष केपी शर्मा ओलीले भारतीय प्रधानमन्त्री नरेन्द्र मोदीलाई बधाई सन्देश दिएका छन्।
भर्खरै सम्पन्न लोकसभा निर्वाचनमा मोदी, भारतीय जनता पार्टी (भाजपा) र उसका सहयोगीहरूले ‘तेस्रो कार्यकालका लागि जित’ निकालेको भन्दै ओलीले एक्स (ट्विटर) मार्फत मोदीलाई बधाई दिएका हुन्।
‘बधाई छ, श्री नरेन्द्र मोदीजी,’ ओलीले सन्देशमा लेखेका छन्,‘भाजपा र यसका सहयोगीहरूले निकालेको ऐतिहासिक तेस्रो कार्यकालको जीतमा !’ ओलीले महान लोकतान्त्रिक अभ्यासका लागि भारतीय जनतालाई पनि बधाई दिएका छन्।
यस्तै,भारतको प्रगति र समृद्धिमा मोदीको निरन्तरताको पनि कामना गरेका छन्। ‘म भारतको प्रगति र समृद्धिलाई ड्राइभिङमा तपाईं (मोदी) को निरन्तर सफलताको कामना गर्दछु,’ ओलीले लेखेका छन्।
प्रकाशित मिति : २०८१ जेठ २३ गते बुधबार