मन्त्री सुमनाप्रति एमाले अध्यक्ष ओलीको अभिव्यक्तिप्रति रास्वपाको आपत्ति

राष्ट्रिय स्वतन्त्र पार्टी (रास्वपा)ले आफ्ना नेताप्रति लक्षित गर्दै नेकपा (एमाले) अध्यक्ष केपी शर्मा ओलीले दिएको अभिव्यक्तिप्रति आपत्ति जनाएको छ।

अध्यक्ष ओलीले विदेशीसँग विवाह गरेर नेपाल घुम्न आउँदा मन्त्री बनेको भन्दै शिक्षा मन्त्रीसमेत रहेकी रास्वपा नेता सुमना श्रेष्ठप्रति टिप्पणी गरेका थिए।

रास्वपा सांसद शिशिर खनालले प्रतिनिधि सभाको बुधबारको बैठकमा शून्य समयमा बोल्दै ओलीको अभिव्यक्तिले लामो समयदेखि नेपालको राजनीतिमा महिलाको उन्मुक्ति र वर्गीय उन्मुक्तिको प्रयासको खिल्ली उठाएको टिप्पणी गरे।

विदेशीसँग विहे गर्ने भृकुटी र सीताको पूजा गर्ने नेपालमा विदेशीसँग बिहे गरेको भनेर सुमनालाई होच्याउने काम भएको खनालको भनाइ थियो।