आयरल्यान्डविरुद्ध भारत ८ विकेटले विजयी

आइसिसी टी–२० विश्वकप क्रिकेट अन्तर्गत भारतले आफ्नो पहिलो खेलमा आयरल्यान्डविरुद्ध ८ विकेटले जित हासिल गरेको छ।

बुधबार अमेरिकाको न्युयोर्कस्थित नसाऊ काउन्टीमा ९७ रनको लक्ष पाएको भारतले मात्र १२.२ ओभरमा २ विकेट गुमाउँदै पुरा गर्‍यो।

भारतका लागि कप्तान रोहित शर्माले अर्धसतकीय पारी खले। उनले ३७ बलमा ३ छक्का र ४ चौकाको मद्दतमा ५२ रन बनाए। त्यसपछि रिटायर्ड हर्टका कारण उनले अगाडि खेल्न सकेनन्। उनको सट्टा क्रजमा सूर्यकुमार यादव आएका थिए। उनी पनि ४ बलमा मात्र २ रन बनाएर आउट भए।

रोहितसँगै ओपनरका रुपमा मैदान उत्रिएका विराट कोहोली भने मात्र १ रन बनाएर पभेलियन फर्किए। उनले ५ बलको सामना गर्दै १ रन जोडेका थिए।

यसैगरी भारतका लागि ऋषभ पंतले २६ बलमा ३६ रन बनाए। शिवम दुबे शून्य रनमा नटआउट रहे।

आयरल्यान्डका लागि मार्क ऐडेयर र बेन व्हाइटले समान एक-एक विकेट लिए।

यसअघि टस हारेर ब्याटिङमा उत्रेको आयरल्यान्डले १६ ओभरमा सबै विकेट गुमाएर ९६ रनमै अलआउट भएको थियो।

आयरल्यान्डका लागि गैरेथ डेलेनीले सर्वाधिक २६ रन बनाए। जॉश लिटिलले १४, कर्टिस कैमफ़रले १२, लोर्कान टकरले १० र जॉश लिटिलले १४ रन बनाए। बाँकी कुनै ब्याटरले दोहोरो अंकको रन जोड्न सकेनन्।

भारतका लागि अर्शदीप सिंहले २, मोहम्मद सिराजले १, जसप्रीत बुमराहले २, हार्दिक पंड्याले ३, रवींद्र जाडेजाले १ र अक्षर पटेलले १ विकेट लिए।