प्रतिनिधि सभाको बैठक आज पनि बस्दै छ। संसद भवन नयाँ बानेश्वरमा बस्ने बैठक बिहान ११ बजेका लागि बोलाइएको छ।
आजको संसद बैठकमा उर्जा, जलस्रोत तथा सिँचाइ मन्त्री शक्ति बहादुर बस्नेतले ‘अन्तर्राष्ट्रिय सौर्य गठबन्धन (आई.एस.ए.) को स्थापनासँग सम्बन्धित सम्झौताको प्रावधानमाथि सदनमा छलफल गरियोस्’ भन्ने प्रस्ताव प्रस्तुत गर्नेछन्।
यस्तै ‘अन्तर्राष्ट्रिय सौर्य गठबन्धन (आई.एस.ए.) को स्थापनासँग सम्बन्धित सम्झौतालाई अनुमानेदन गरियोस्’ भन्ने पनि प्रस्ताव उनले प्रस्तुत गर्ने कार्यसूची रहेको छ।
त्यस्तै आजको बैठकमा अर्थ मन्त्री वर्षमान पुनले ‘बैँक तथा वित्तीय संस्था सम्बीन्धी (पहिलो संशोधन) विधेयक, २०८० माथि विचार गरियोस्’ भन्ने प्रस्ताव प्रस्तुत गर्ने कार्यसूची रहेको छ भने ‘विनियोजन विधेयक, २०८१ मथि विचार गरियोस्’ भन्ने प्रस्ताव पनि उनले प्रस्तुत गर्नेछन्।
त्यसैगरी सञ्चार तथा सूचना प्रविधि मन्त्री रेखा शर्माले शिक्षा, स्वास्थ्य तथा सूचना प्रविधि समितिको प्रतिवेदनसहितको ‘राष्ट्रिय सभामा उत्पत्ति भएको सुरक्षण मुद्रण सम्बन्धी विधेयक, २०७८ माथि छलफल गरियोस्’ भनी प्रस्ताव पेश गर्नेछिन् भने ‘सुरक्षण मुद्रण सम्बन्धी विधेयक, २०७८ लाई पारित गरियोस्’ भनी प्रस्ताव पेश गर्नेछिन्।
Leave a Reply