महालक्ष्मी विकास बैंकले आफ्नो हरित पर्यावरणीय योजनालाई निरन्तरता दिँदै पर्यावरणमैत्री विद्युतीय सवारी प्रयोगमा ल्याएको छ। बैंकले आफ्नो ३० औं वार्षिक उत्सव र विश्व वातावरण दिवसको अवसरमा आफ्नो कार्यालय प्रयोजनका लागि बैंकले दुई वटा विद्युतीय गाडी प्रयोगमा ल्याएको हो।
बैंकले हरित परिवहनको माध्यमबाट दीर्घकालीन लक्ष्य हासिल गर्न टेवा पुगोस् भन्ने उद्देश्यका साथ कार्यालयमा प्रयोग हुने सवारीमा क्रमशः विद्युतीय गाडीहरूको प्रयोग बढाउँदै जाने बताएको छ। यस्ता कार्यक्रमहरूले राष्ट्रको पर्यावरण संरक्षण, नवीन ऊर्जा प्रवर्द्धन तथा दिगो विकासमा टेवा पुर्याउने विश्वास बैंकले लिएको छ।
प्रकाशित मिति : २०८१ जेठ २४ गते बिहीबार