स्वरोजगारका लागि आईटी तालिम सुरु

पछिल्लो समय सबैभन्दा फड्को मारेको विषय नै सूचना प्रविधि हो । युवा पुस्ता कम्प्युटर, इन्टरनेट, स्मार्टफोन लिएर हिँड्छन् । अहिलेको पुस्ता इन्टरनेटको प्रयोग गरेर नयाँ–नयाँ कुरा सिक्न खोज्छ । त्यसैले पनि यसमा अहिले युवा पुस्ताको रुचि ह्वात्तै बढेको छ ।

पछिल्लो समय मानिसले देशविदेशका घटना तथा समाचारलगायत सोसल मिडिया तथा मोबाइलको प्रयोगबाट घरमै बसेर थाहा पाउँछन् । विद्यार्थीलाई परम्परागत किताब ज्ञान मात्र अब पर्याप्त हुँदैन् । विभिन्न जिल्लाबाट कर्णाली प्रदेशको राजधानी वीरेन्द्रनगरमा भविष्यको खोजी गर्दै सुचना प्रविधि (आईटी) अध्ययन गर्नेको संख्या बढ्दो छ । प्रविधितर्फ रुची राख्ने विद्यार्थीहरुको संख्या बढ्दै जाँदा राजधानीको नगरपालिका वीरेन्द्रनगरले दक्ष जनशक्ति तयार गरेर स्वरोजगार बनाउन सुचना प्रविधि (आईटी) सम्बन्धी प्रशिक्षण दिन थालेको छ ।

पछिल्लो समय मानिसले देशविदेशका घटना तथा समाचारलगायत सोसल मिडिया तथा मोबाइलको प्रयोगबाट घरमै बसेर थाहा पाउँछन् । विद्यार्थीलाई परम्परागत किताब ज्ञान मात्र अब पर्याप्त हुँदैन् । प्रशिक्षणमा विभिन्न जिल्लाका ४० युवायुवती सहभागी छन् । उनीहरुलाई प्रशिक्षण अवधिभर वेब सफ्टवेयर र क्लाउड कम्प्युटिङ ज्ञान प्रदान गरिनेछ । सहभागीमध्य पाँच जनालाई पूर्ण छात्रवृद्धिमा समावेश गरेर स्वरोजगार बनाइने नगरपालिकाका नगर प्रमुख मोहनमाया ढकालले जानकारी दिइन् ।

नगरपालिकाले प्रदान गर्ने सेवाहरु प्रविधिमैत्री बनाउन सुचना प्रविधि (आईटी) मा लगाव भएका युवापुस्तालाई स्वरोजगार बनाउन प्रशिक्षण आयोजना गरिएको उनले बताइन् । नगरपालिकाको रोजगार तथा सूचना प्रविधिले छनौट गरेका सहभागीहरुलाई व्यवहारिक शिक्षासँगै प्राविधिक वा शिल्पगत सीप प्रशिक्षणमा सिकाइनेछ । सहभागीहरुलाई जेनिस सोलुशन प्रा।लि। ललितपुरका निर्मल बस्ताकोटी, देश दिपक धोवी र आशिष सुवेदीले प्रशिक्षण दिइरहेका छन् ।