जनताको असन्तोषलाई समस्या मान्नु हुँदैन : पोखरेल

नेकपा एमालेका महासचिव शंकर पोखरेलले जनतामा बेला–बेला देखिने असन्तोषलाई समस्या मान्न नहुने बताएका छन् ।

१५ जेठमा आयोजना गरिएको कार्यक्रमबारे जानकारी दिन आयोजित पत्रकार सम्मेलनमा पोखरेलले असन्तोष जनतामा मात्र नभएर राजनीतिक दलहरूमा पनि आउने बताए ।

महासचिव पोखरेलले असन्तोषलाई सामान्य माने पनि नकारात्मकताको प्रसारलाई भने सामान्य मान्न नहुने बताए ।

उनले लामो समयदेखि सरकार स्थिर बन्न नसक्दा पनि जनतामा असन्तोष देखा पर्ने गरेको उनले बताए । ‘जति गर्नुपर्ने हो त्यति गर्न हामीले सकेका छैनौं । किनभने, परिणाम निकाल्न रजनीतिक स्थिरता आवश्यक छ । अस्थिरताले चाहेजति काम गर्न सकेनौं । त्यसैले अहिले बलियो राष्ट्रिय शक्ति निर्माणका लागि हामी अगाडि बढिरहेका छौं ।’