नेकपा (एमाले)का महासचिव शंकर पोखरेलले बजेट प्रस्तुत गर्ने दिन बदल्नु पर्ने बताएका छन् । जेठ १५ गणतन्त्रको उत्सवको दिन भएकाले त्यस दिन बजेट ल्याउन नहुने उनको भनाइ छ ।
पार्टी केन्द्रीय कार्यालय च्यालसमा आयोजित पत्रकार सम्मेलनमा महासचिव पोखरेलले जेठ १५ मा सरकारले नै विशेष कार्यक्रम गरेर गणतन्त्रको उत्सव मनाउनु पर्ने बताए ।
‘१५ जेठ भनेको नेपाली जनता सार्वभौम भएको दिन हो । यो दिनको महत्व जनतालाई दर्शाउँदै सरकारले उत्सवका रूपमा मनाउनुपर्छ । त्यसैले यो दिन बजेट प्रस्तुत गर्ने संवैधानिक व्यवस्था बदल्नु उपयुक्त हुन्छ,’ उनले भने ।
पोखरेलले अन्य राजनीतिक दलहरूसँग पनि सहमति जुटाएर संविधान संशोधन गरी बजेट ल्याउने मिति फेर्न एमाले तयार रहेको बताए ।
Leave a Reply