आगामी आर्थिक वर्ष २०८२–८३ को बजेट सार्वजनिक हुने अघिल्लो दिन आज शेयर बजारमा उत्साह देखिएको छ । आज नेप्से दोहोरो अंकले बढेसँगै साढे ८ अर्ब बढीको कारोबार भएको हो ।
नेपाल स्टक एक्सचेञ्ज लिमिटेड (नेप्से) का अनुसार आज बजार १७.४४ अंकले माथि उक्लिएको छ । ०.६५ प्रतिशतले बजार बढ्दा नेप्से २६९३.०६ अंकमा उक्लिएको छ ।
समग्रमा बजार बढे पनि जीवन बीमा, लघुवित्त, निर्जीवन बीमा र अन्य समूह क्रमशः०.२४, ०.२६, ०.२६ र ०.०६ प्रतिशतले घटेका छन् । बाँकी अरु समूहमा भने हरियाली छाएको छ । बैंकिङ समूह १.८८ र विकास बैंक समूह १.२९ प्रतिशतले बढेका छन् ।
आज ३२३ कम्पनीका २ करोड ७ लाख ५९ हजार ५ सय ४७ कित्ता शेयर किनबेच हुँदा ८ अर्ब ५८ करोड ६० लाख ४ हजार ३ सय ३४.२५ रुपियाँ बराबरको कारोबार भएको छ ।
ओम मेगाश्री, ग्रीन डेभलपमेन्ट बैंक, पियोर इनर्जी र भूगोल इनर्जीका लगानीकर्ताहरुले क्रमशः १०, ९.९९, ९.८५ र ९.१५ प्रतिशतले नाफा कमाएका छन् ।
त्यस्तै बाराही हाइड्रोका लगानीकर्ताहरुले सबैभन्दा बढी ५.२६ प्रतिशतले घाटा व्यहोरेका छन् ।
Leave a Reply