महिनावारी स्वच्छता दिवस सम्पन्न

 जुम्ला जिल्लाको हिमा गाउँपालिकामा महिनावारी स्वच्छता दिवस विभिन्न कार्यक्रम गरि मनाईएको छ ।

समाजमा रहेको महिनावारी विभेद न्युनिकरण गर्न तथा नागरिकलाई सचेत बनाउन विभिन्न सचेतना मुलक कार्यक्रम आयोजना गरि हिमामा महिनावारी स्वच्छता दिवस मनाईएको हो । हिमा गाउँपालिका सुस्वा परियोजनाका वास संयोजक सुमिता शाहीका अनुसार दिवसको अबसरमा र्याली,सडक नाटक प्रर्दशन,वक्तित्वकला प्रतियोगिता लगायतका कार्यक्रम गरिएको छ ।

हिमा-३ मोफ्ला स्थित राहदेव माध्यमिक विद्यालयमा आयोजित मर्यादित महिनावारी विशेष वक्तित्वकला प्रतियोगिता गरिएको हो । जसमा प्रथम अबिजेल परियार,द्वित्तिय बिस्मता रोकाया,तृतीय बिकास रोकाया र सान्त्वना रेखा रोकाया भएकी छन् ।