रुकुम पश्चिमको सानीभेरी गाँउपालिका–५ स्थित एक घरमा आगलागी भएको छ ।
बुधबार दिउँसो घापागारका धीरेन्द्र कुसारीको तीन कोठे, एक तले खराले छाएको घरमा आगलागी भएको हो । जिल्ला प्रहरी कार्यालयका अनुसार आगलागीबाट करिब दुई लाख बराबरको क्षती भएको छ । घरसँगै कुसारीको घरमा रहेको सोलार सेट, लत्ताकपडा,अन्नपात, मौरि घार समेत जलेर खरानी भएको प्रहरीको भनाई छ ।
घरमूली कुसारी रोजगारीको क्रममा श्रीमतीसहित भारतमा रहेका छन् । घरमा बच्चाहरु मात्रै बस्ने गरेतापनि आगलागीको समयमा भने कोही पनि नरहेको तर एक्कासी आगलागी भएको बताइएको छ ।
प्रकाशित मिति : २०८२ जेठ १५ गते बिहीबार