इजरायलको आक्रमणमा परि हमासका शीर्ष नेता मोहम्मद सिन्वर मारिएका छन् । इजरायलका प्रधानमन्त्री बेन्जामिन नेतन्याहूले सिन्वर मारिएको भनेर सार्वजनिक अभिव्यक्ति दिएको तीन दिनपछि इजरायली सेनाले पनि उनी मारिएको पुष्टि गरेको हो ।
सिन्वरसँगै हमासको राफा ब्रिगेडका कमान्डर मोहम्मद शबाना र खान युनिस बटालियनका कमान्डर मेहदी क्वारा पनि मारिएको इजरायली सेनाले जनाएको छ । उनीहरुले युरोपेली अस्पतालको जमिनमुनि कमान्ड सेन्टर बनाएका थिए । त्यहीँ बसेर उनीहरूले रणनीति बनाउने गर्थे ।
यद्यपी हमासले भने यसबारे केही प्रतिक्रिया दिएको छैन । सिन्वर यसअघिका शीर्ष नेता याह्या सिन्वरका भाइ हुन् । तत्कालीन शीर्ष नेता इस्माइल हानिये जुलाई २०२४ मा मारिएपछि याह्या सिन्वर शीर्ष नेता चुनिएका थिए । अक्टोबरमा सिन्वर मारिएपछि मोहम्मद सिन्वर नेता चुनिएका थिए ।
Leave a Reply