सवारी दुर्घटना हुँदा एक जनाको मृत्यु

 डोटीमा जिप दुर्घटना हुँदा एक जनाको मृत्यु भएको छ भने ८ जना घाइते भएका छन् ।

के.आई.सिंह गाउँपालिका–५ केदार गाउँस्थित दिपायल–बोगटान भित्री सडकखण्डमा आइतबार बिहान साढे ९ बजे सुपप्र ०१ ००१ ज १४६४ नम्बरको जिप दुर्घटना भएको प्रहरीले जनाएको छ ।

जिपमा सवार अन्य ८ जना घाइते भएका छन् ।

घाइतेहरूको शैलेश्वरी अस्पतालमा उपचार भइरहेको छ ।

जिप चालक कैलालीको धनगढी उपमहानगरपालिका–१८ बस्ने २४ वर्षीय हरिचन्द्र चौधरी पनि घाइते भएका छन् ।

समान्य घाइते चौधरीलाई उपचारपछि प्रहरीले नियन्त्रणमा लिएको छ ।