पौडी खेल्ने क्रममा डुबेर बालिकाको मृत्यु

सुर्खेतको वीरेन्द्रनगरमा एक होटेलको स्वीमिङ पुलमा पौडी खेल्ने क्रममा डुबेर एक बालिकाको मृत्यु भएको छ । मृत्यु हुनेमा दैलेख दुल्लु नगरपालिका–११ घर भई हाल वीरेन्द्रनगर–३ तातोपानीमा बसोबास गर्दै आएकी १० वर्षीया प्रतिमा भण्डारी रहेको छन् । घटना शनिबार वीरेन्द्रनगर–४ स्थित पानारोमा होटेलमा भएको हो ।

पौडी खेल्ने क्रममा डुबेर घाइते भएकी उनको प्रदेश अस्पताल कालागाउँ सुर्खेतमा उपचारका क्रममा मृत्यु भएको जिल्ला प्रहरी कार्यालय सुर्खेतका प्रहरी नायब उपरीक्षक मोहनजंग बुढथापाले जानकारी दिए । डिएसपी बुढथापाका अनुसार घटनापछि होटेलका एक कर्मचारीलाई नियन्त्रणमा लिएर सोधपुछ गरिएको छ ।

तर होटल सञ्चालक दिनेश खड्कालाई भने पक्राउ गरिएको छैन । ‘स्वीमिङ पुलको जिम्मा अर्कै व्यक्तिले लिएको रहेछ,’ डिएसपी बुढथापाले भने, ‘हामीले अर्का एकजना कर्मचारीलाई सामान्य सोधपुछ गरेर छोडेका छौँ । जाहेरी आएपछि होटल सञ्चालकलाई पनि नियन्त्रणमा लिनेछौं ।,’ उनले हालसम्म पीडित परिवारबाट कुनै जाहेरी नआएकाले सञ्चालक खड्कालाई नियन्त्रणामा नलिएकाे बताए ।

हाल घटनाको अनुसन्धानका लागि प्रहरी टोलीले सिसीटिभी फुटेज अध्ययन गरिरहेको उनले बताए । ‘अहिले सिसीटिभी क्यामेरा हेर्ने काम भइहरेको छ, अब पोष्टमार्टम रिर्पाेट आएपछि थप अनुसन्धान प्रक्रिया अगाडि बढ्छ ।,’