पाँच लाख सदस्यता पुर्‍याउन तीनमहिने अभियानमा अखिल क्रान्तिकारी काँक्रेविहार प्रकाशन प्रा.लि.

नेकपा माओवादी केन्द्रनिकट अखिल (क्रान्तिकारी) पाँच लाख नयाँ सदस्यता वितरण र नवीकरण गर्ने भन्दै तीनमहिने अभियानमा जुटेको छ । त्यसका लागि ‘विद्यार्थीसँग अखिल (क्रान्तिकारी) अभियान सञ्चालन गरिएको छ ।

महासचिव रोशन थापा मगरका अनुसार अभियान आगामी भदौ २५ गतेसम्म सञ्चालन हुनेछ । अभियानको क्रममा आधारभूत तहभन्दा माथिका सबै शिक्षण संस्थामा संगठन निर्माण, प्रशिक्षण, जनपरिचालन, संघर्षका कार्यक्रमदेखि प्रत्येक सदस्यलाई संगठित सदस्य बनाइने छ ।

‘हाम्रो विश्वविद्यालय, राम्रो विश्वविद्यालय’ बनाउने अभियानको अर्को लक्ष्य रहेको मगरले बताए । शिक्षा, स्वास्थ्य, रोजगार, खाद्य सम्प्रभुता लगायतका मौलिक हकको कार्यान्वयनका लागि आन्दोलनका कार्यक्रम तय गर्ने, विश्वविद्यालयमा बढ्दै गएको राजनीतिक हस्तक्षेप बन्द गर्न संघर्षका कार्यक्रम गर्ने जस्ता कार्यक्रम क्रान्तिकारीले अघि सारिएको छ । अभियानका लागि प्रदेशगत रूपमा कमान्डर पनि तोकिएका छन् ।