काठमाडौँको ग्राण्डी अस्पताल नजिकैको सडकबाट खोलामा खसेको कारसँगै बगेकी एक महिलाको जीवितै उद्धार गर्ने तीन प्रहरीसहित पाँच जनालाई नेपाल प्रहरीले सम्मान गरिएको छ ।
सम्मान एवं पुरस्कृत भएकाहरूमा प्रहरी प्रभाग टोखामा कार्यरत प्रहरी हवलदार उमेश कुमार लोहनी, प्रहरी वृत्त महाराजगन्जमा कार्यरत प्रहरी सहायक हवलदार समीर बिक, प्रहरी प्रभाग टोखामा कार्यरत प्रहरी जवान सुमन थापा रहेका छन् ।
त्यस्तै लमजुङ घर भई जिल्ला काठमाडौँ टोखा बस्ने वर्ष १९ को अर्जुन गुरुङ र सोही स्थान बस्ने वर्ष २९ को राजु तामाङले पनि सहयोग गरेको भन्दै प्रहरीले पुरस्कृत गरेको छ ।
विष्णुमतीमा खसेको बागमती प्रदेश ०१–०३१ च ६१४१ नम्बरको ईभी कारमा बगिरहेकी दाङ घर भएर टोखा बस्ने ३४ वर्षीया भावना वलीलाई बुधबार राति १० बजे उद्धार गरिएको थियो ।
प्रकाशित मिति : २०८२ असार १३ गते शुक्रबार