ओली बोलिरहँदा सञ्चारकर्मीलाई हलबाट निस्कन आदेश काँक्रेविहार प्रकाशन प्रा.लि.

नेकपा (एमाले) को दोस्रो विधान महाधिवेशन ललितपुरको सनराइज हलमा जारी छ ।

महाधिवेशनमा पार्टी अध्यक्ष केपी शर्मा ओलीले प्रतिवेदन पेस गरिरहँदा हलमा उपस्थित पत्रकारहरूलाई बाहिर निस्कन भनिएको छ ।

स्वयंसेवकहरूले माथिको आदेश भन्दै पत्रकारलाई बाहिर जान भनेका छन् । ‘तपाईंहरूलाई १० मिनेटका लागि आउन भनिएको हो । तपाईंहरू अब बाहिर जानुहोस्, यो माथि विनोद सरको आदेश हो’, एक स्वयंसेवकले भने ।

आजदेखि तीन दिनसम्म चल्ने एमालेको विधान महाधिवेशनमा पार्टी अध्यक्ष केपी शर्मा ओलीले राजनीतिक प्रतिवेदन प्रस्तुत गर्ने क्रम जारी छ ।

विधान महाधिवेशनमा २०२६ जना प्रतिनिधि र आयोजकको हैसियतमा ३ सय १५ जना गरी कुल २ हजार ३ सय ४१ जना सहभागी छन् ।