फेसबुकलाई ओलीको चेतावनी: भोकै बसेर नाकाबन्दी सहेका हाैँ काँक्रेविहार प्रकाशन प्रा.लि.

उनले नेपालको कानुन नमानेर अटेरी गर्नेहरूलाई प्रतिबन्ध लगाउँदा केही बुद्धिजीवीहरूले विरोध गरेको भन्दै आपत्ति जनाए । उनले देशको स्वाभिमानभन्दा केही व्यक्तिको जागिर ठूलो नहुने बताए । ‘देशको राष्ट्रिय स्वाभिमानभन्दा चार जना मान्छेको जब ठूलो हुन सक्दैन’, ओलीले भने, ‘त्यस्ता जब हामी फेरि खोज्छाैँ ।’

ओलीले देशको कानुन ठाडै उल्लंघन हुँदा पनि चुप लाग्नुपर्ने भन्दै प्रश्न गरे । ‘कानुनबमोजिम चल भन्न पनि नपाइने ? संविधानको ठाडै उल्लंघन गर्दा पनि चुप लाग्ने देश हुन्छ ? हाम्राे स्वाभिमान छैन भने स्वतन्त्रता रहँदैन’, ओलीले भने, ‘हामी भोकै बसेर पनि नाकाबन्दी सहेका हाैँ । अरु जुनसुकै कुरा सहन तयार छाैँ । राष्ट्रलाई हेपेको सहन तयार छैनाैँ ।’

ओलीले व्यक्तिगत रूपमा आफू हेपिन तयार रहेको तर देशलाई हेपेको सहन नसक्ने बताए । ‘म हेपिन तयार छु । तर देशलाई हेपेको सहन सकिँदैन,’ ओलीले भने, ‘सबैलाई आग्रह गर्छु– हाम्राे देशलाई हेप्न नखोज्नू । होच्याउन नखोज्नू ।’

प्रकाशित मिति : २०८२ भदौ २२ गते आइतबार