कर्णाली मिसनका प्रकाश तथा प्रधान सम्पादक सक्रिय पत्रकार सागर परियार प्रतिष्ठित ‘रोटरी जुर्नो अर्वाड–२०२४–०२५ बाट पुरस्कृत भएका छन् ।

रोटरी इन्टरनेशनल डिस्ट्रिक्ट ३२९२ ले हरेक वर्ष प्रदान गर्दै आएको विभिन्न विद्याका अर्वाड मध्य यसवर्षको खानेपानी र सरसफाई तर्फको प्रतिष्ठित रोटरी जुर्नो अर्वाड–२०२५ पत्रकार परियारले प्राप्त गरेका हुन् ।

शनिवार एक समारोहका बीच रोटरी ईन्टरनेश्नलका डिस्ट्रीक गर्भनर राजेन्द्रमान शेर्चनले पत्रकार परियारलाई अर्वाड हस्तान्तरण गरे । रोटरी ईन्टरनेश्नल संस्थाले दिगो शान्ति,खानेपानी तथा सरसफाई,शिक्षा तथा स्वास्थ्य लगायत सामाजिक रुपान्तरणका क्षेत्रमा काम गर्दै आएको छ । विभिन्न विद्याका पुरस्कार मध्य खानेपानी र सरसफाई क्षेत्रमा निन्तर कलम चलाएको भन्दै परियारलाई रोटरी जुर्नो अर्वाड प्रदान गरिएको हो ।रोटरीले प्रदान गर्ने रहेक पुरस्कारको विशेष महत्व छ । अर्वाडका लागि सार्वजानिक सूचना आह्वान गरिएको थियो । जसमध्य देशभरबाट ५५ जना पत्रकारको आवदेन परेको थियो । जुरी कमिटिले प्राप्त आवेदन र प्रकाशित स्टोरी गहन अध्यायन गरेर खानेपानी र सरसफाई तर्फको अर्वाडका सागर परियारलाई छनोट गरेको हो ।

खुल्ला आवेदन मार्फत देशभरमध्य छनोट भई उत्कृष्ट पत्रकारका रुपमा छनोट भई पत्रकार परियारलाई रोटरी जर्नो अर्वाड प्रदान गरिएको हो । कारोबार दैनिक,रेडियो नेपालका संवाददाता तथा कर्णाली मिसनका प्रकाशक प्रधान सम्पादक समेत रहेका परियारलाई शनिवार ललितपुरमा आयोजित एक समारोहका बीच पुरस्कार प्रदान गरिएको छ । पत्रकार परियारलाई नगद रु ५१ हजार सहित सम्मानपत्र प्रदान गरिएको छ । रोटरी ईन्टरनेश्नलले दिगो शान्ति,उपचार तथा रोकथाम आर्थिक विकास,खानेपानी तथा सरसफाई लगायतका सात विधामा अर्वाडका लागि आवेदन मागेको थियो । प्राप्त आवेदन उपर मुल्यांकन समितिले विद्यागत रुपमा उत्कृष्ट लेख्ने पत्रकारहरुलाई अर्वाडका लागि सिफारिस गरेको हो । जसमा जुम्लाका पत्रकार सागर परियारले खानेपानी र सरफाईका क्षेत्रमा पत्रकारिता मार्फत उल्लेखीय योगदान दिएकोले ५१ हजार नगद रासीको रोटरी अर्वाडका लागि छनोट गरेको आयोजकले जनाएको छ ।

प्राकृतिक स्रोत संरक्षण,खानेपानी विकास,सरसफाई,खानेपानीमा लगानी जस्ता कुराामा निरन्तर समचार स्टोरी लेखेकामा पुरस्कृत भएका हुन ।कर्णालीको जल सम्पदाको संरक्षण तथा सदुपयोगमा समेत जोड दिईएको छ । अर्वाड ग्रहणपछि पत्रकार परियारले खुसी व्यक्त गरेका छन् । पुरस्कारले पेशा प्रति थप जिम्मेवारी बढेको उनको भनाई छ । म मेहनत र कर्ममा विश्वास गर्छु । यस्ता प्रोत्साहनले पेसा प्रति थप लगनशील र सर्पित हुने उर्जा दिन्छ । देशभरीबाट उत्कृष्ट पत्रकारको सम्मान पाउँदा अत्यन्तै खुसी छु ।साथ सहयोग हौसला प्रदान गर्ने सबैलाई धन्यबाद।

रोटरी डिस्ट्रिक गर्भनर राजेन्द्रमान शेर्चरलेले नेपालका पत्रकारले सामाजिक विकास तथा रुपान्तरणका लागि तथ्य उजागर गर्ने नेपाली पत्रकारहरुलाई प्रोत्साहन गर्न अर्वाड वितरण गरिएको बताए । रोटरी ईन्टरनेश्लन एक सेवा मुलक संस्था हो । उनले भने, यसले सामाजिक रुपान्तरणका लागि काम गरिरहेको छ । विशेषगरी शिक्षा,स्वास्थ्य,खानेपानी,सरसफाई,दिगो शान्ति लगायतका क्षेत्रमा काम गर्छौ । यी क्षेत्रमा सशक्त तथ्यपरक कमल चलाउने पत्रकारलाई प्रोत्साहन गर्न अर्वाड दिएका हौ ।

छनोट समितिका सदस्य तथा नेपाल पत्रकार महासंघका कार्यबाहक अध्यक्ष दिपक आर्चायले पत्रकारको मेहनतको कदर गर्दै हौसल प्रदान गर्न दिईएको अर्वाडले पत्रकारलाई थप जिम्मेवार बनाएको बताए । साथै जुम्लामा बसेर समाजका विभित पक्षमा पत्रकार सागर परियारले निरन्तर कलम चलाएको विषयमा समेत प्रशंसा गरे । सबै विद्यामा अब्बल स्टोरी लेखिएपनि खानेपानी र सरसफाई क्षेत्रमा उत्कृष्ट लेखन गरेका देशभरीबाट अर्वाडका लागि पत्रकार परियार छनोटमा परेको समेत उल्लेख गरे ।

पत्रकार परियार सहित विभिन्न विद्यामा देशभरका सात जना पत्रकारले जनही रु ५१ हजार नगद राखीको रोटरी जर्नो अर्वाड प्राप्त गरेका छन् । यसअघि उनले नेपाल सरकारले दिने यूवा पत्रकारिता पुरस्कार र मुक्तिनाथ उत्कृष्ट कृषि पत्रकारिता पुरस्कार समेत पाईसकेका छन् ।

रुकुम पश्चिमको चौरजहारी नगरपालिका ७ स्थित माध्यमिक विद्यालय कोटजहारीलाई ल्यापटपसहितका उपकरण प्रदान गरिएको छ ।

शनिबार चौरजहारी नगरपालिका रुकुम र साझा शिक्षा ई-पाटी नेपालसँगको सहकार्यमा कम्प्युटर लगायतका उपकरण हस्तान्तरण तथा अभिमुखीकरण गरिएको छ । साझा शिक्षा ई–पाटी नेपालले प्लान इन्टरनेशनलको सहयोगमा कम्प्युटर उपकरण हस्तान्तरण तथा अभिमुखीकरण कार्यक्रम सञ्चालन गरहेको हो ।

नगरपालिकाका निमित्त प्रमुख प्रशासकीय अधिकृत शेर प्रसाद ढकालका अनुसार डिजिटल सिकाइ ल्याब व्यवस्थापन तथा शिक्षक अभिमुखीकरण कार्यक्रम कार्यान्वयनका लागि डिजिटल सामग्री प्रदान गरिएको छ । चौरजहारी नगरपालिका प्रमुख पुष्प वादीले विद्यालय व्यवस्थापन समिति अध्यक्ष ईन्द्रलाल शर्मालाई डिजिटल शैक्षिक सामग्रीसहितका उपकरण हस्तान्तरण गरेका हुन् । २० वटा ल्यापटप, एक वटा अफलाइन ई–पुस्तकालय सर्भर, एक वटा राउटर, आठ वटा पावरस्ट्रिप र २० वटा हेडफोनसहितका सामग्री हस्तान्तरण गरेका छन् ।

सामग्री हस्तन्तरण कार्यक्रममा नगर प्रमुख पुष्प बादी, उपप्रमुख ईश्वरी शर्मा बिएम, ७ नम्बर वडा अध्यक्ष भीमप्रसाद जैसी, वडा सदस्यहरू, विद्यालय व्यवस्थापन समिति, शिक्षक अभिभावक सङ्घका पदाधिकारी र शिक्षकहरुको उपस्थिति रहेको थियो । नगरपालिकाले प्राप्त सामग्रीको सही सदुपयोग गरी विद्यालयले शिक्षण सिकाइमा नयाँपन ल्याउने विश्वास गरेको छ ।

 रुकुम पश्चिमको सानीभेरी गाउँपालिका वडा नम्बर ६ छहरा घर भई हाल अमेरिकामा रहेका भिमराज केसीले जन्मदिनको अवसरमा विपन्न बालबालिका र बिरामीलाई सहयोग गरेर जन्मदिन मनाएका छन् ।

गरिबीका कारण पठनपाठनमा समस्या भएका ६ जना विद्यार्थीलाई शैक्षिक सामाग्रि र आर्थिक अभावका कारण उपचारमा समस्या भएका दुई जना बिरामीलाई नगद रकम प्रदान गरेर केसीले जम्मदिन मनाएका हुन् । केसीले सानीभेरी गाउँपालिका ६ छहरास्थित जनता माविमा कक्षा १ मा अध्ययनरत छात्र कमल केसी, अमरज्योति आवि सल्लिचौरमा कक्षा २ मा अध्ययनरत छात्रा दीपकला विक, लक्ष्मी आवि कोटगाउँमा कक्षा ४ मा अध्ययनरत छात्र धनसिं पुन, पृथ्वी आवि देउताखोलामा कक्षा ४ मा अध्ययनरत छात्र धनबहादुर घर्ती, सानीभेरी–गाउँपालिका ३ को सूर्योदय मावि बेल्टापूमा कक्षा ५ मा अध्ययनरत छात्र कमल नकाल र सानीभेरी गाउँपालिका ९ को राप्ती ज्ञानोदय मावि सिम्लीमा कक्षा १ मा अध्ययनरत छात्रा रिता खड्कालाई पाँच पाँच हजारका कापी, कलम, झोला, लगाएतका शैक्षिक सामाग्रि सहयोग गरेका हुन्।

यसैगरी उनले कलेजोको समस्या भई उपचार गराईरहनुभएका सानीभेरी गाउँपालिका ६ का धनबहादुर घर्ती र हृदयघातका कारण उपचाररत सानीभेरी गाउँपालिका ३ का खडकबहादुर विकलाई जनही १० हजार रुपैयाँ नगद सहयोग गरेका छन्। उनिहरुको उपचारमा सहयोग पुग्ने मनसायले उक्त सहयोग गरिएको हो । शनिवार सानीभेरी गाउँपालिकाको सिम्लीमा पत्रकार नारायण ओलीको सहजीकरणमा उक्त शैक्षिक सामाग्री र नगद हस्तान्तरण गरिएको हो । केसीको उक्त कार्यलाई उदाहरणिय र उत्कृष्ट सामाजिक कार्यका रुपमा चर्चा गरिएको छ । जन्मदिनको अवसरमा हुने फजुल खर्चलाई जोगाएर यहाँका एक व्यक्तिले सामाजिक कार्यमा खर्च गरेका छन् ।