Blog

 डोल्पाको ठुलिभेरी नगरपालिका-२ मा पर्ने मान्मा आधारभूत विद्यालयका ६० जना विद्यार्थीलाई शैक्षिक सामग्री वितरण गरिएको छ ।

सामाजिक सञ्जालमा सहयोग संकलन गरेर आर्थिक अवस्था कमजोर भएका विद्यार्थीलाई कापी, कलम, जुत्ता, मोजा लगायतका सामग्री वितरण गरिएको हो । जिल्ला अस्पताल डोल्पामा कार्यरत डाक्टर अखण्ड उपाध्यायले सुरुमा आफैले पैसा उठाएर सामाजिक सञ्जालमा पोष्ट गरेपछि विभिन्न व्यक्तिबाट आर्थिक सहयोग जुटेको थियो ।

संकलित ८० हजार ६ सय ५६ रकमबाटै शैक्षिक सामग्री लगायतका सामग्री खरिद गरेर वितरण गरिएको हो, यसरी सहयोग पाउनेमा धेरैजसो विपन्न र दलित विद्यार्थी छन् डाक्टर उपाध्यायले भने । म एक पटक त्यो विद्यालय पुगेको थिएँ, सामान्य कापी कलम किन्न नसक्ने अवस्थाका विद्यार्थी पनि देखेँ, त्यही भएर सहयोग उठाइएको हो ।

वितरण गरेपछि पनि शैक्षिक सामग्री बचेकाले लेखेर सक्ने विद्यार्थीलाई उसको कपी कलम चेक गरेर थप उपलब्ध गराउने विद्यालयले जनाएको छ । शैक्षिक सामग्री वितरण कार्यक्रममा वडाध्यक्ष कमलबहादुर क्षेत्री र विद्यालय व्यवस्थापन समितिका अध्यक्ष र ओमप्रसाद रोकायको उपस्थिति थियो ।

रारामा पाँच  ट्रेल–रन जेठ ९ गते रारा तालको किनारामा हुने भएको छ ।

 नेपालकै प्रमुख पर्यटकिय क्षेत्र रहेको रारा ताललाई मुख्य पर्यटकीय गन्तव्यको रुपमा स्थापित गर्न र कर्णाली प्रदेशबाट राष्ट्रिय स्तरका एथ्लेटिक्स खेलाडीहरु पहिचान गर्ने उद्देश्य अनुरुप वार्षिक रुपमा आयोजना गरिने रारा ट्रेल–रनको पाचौं संस्करण सञ्चालन गर्न लागिएको हो ।

हनुमान ध्वज गुल्म राराका गुल्मपति खीमबहादुर अधिकारीका अनुसार नेपाली सेनाको आतोजनामा यहि जेठ ९ गते बिहान ७ बजे सुरु गरिने उक्त प्रतियोगितामा प्रथम हुने खेलाडीलाई रु ५० हजार, दोस्रो हुनेलाई ३० हजार र तेस्रो हुने खेलाडीलाई २० हजार पुरस्कार, प्रमाणपत्र र मेडलको ब्यवस्था रहेको छ । उनका अनुसार रारा ट्रेल– रन प्रतियोगितामा सहभागी हुन आउने खेलाडीले जेठ ४ गतेदेखि ८ गतेको बिहान १० बजेसम्म अफ्नो नाम दर्ता गराउन सक्नेछ्न भने उनिहरुको मेडिकल जाँच सोहि दिन १२ बजे गरिने र इभेन्ट बृफ ३ बजे हुने गुल्मपती अधिकारीले बताए ।

उनले भने, दौड जेठ ९ गते बिहान ७ बजे सुरु हुने र दौडमा सहभागी हुने खेलाडीले मौसम सुहाउँदो खेल पोषाकमा उपस्थिती हुनुपर्ने छ । मेडिकल जाचमा दौडका लागी स्वस्थ नदेखिएका व्यक्तिलाई दौडमा सहभागी गराइने छैन । रारा ट्रेल रन प्रतियोगिता नेपाली सेनाले वर्षेनी रारामा आयोजना गर्दै आएको छ ।

 जुम्ला गुठिचौर गाउँपालका–२ को झुलेनी भन्ने ठाउँमा चट्याङले लागेर २१ वटा भेडाबाख्रा मरेका छन् । शनिबार साँझ पाँच बजेति रुखमुनि बसेका बेला चट्याङ पर्दा २१ वटा भेडाबाख्रा मरेका हुन् ।

गुठिगाउँका किसान हिर वहादुर ऐडिका १६ र धनकृष्ण रोकायाका ६ वटा भेडाबाख्रा चट्याङमा परि मरेको गुठिचौर–२ का पूर्व वडास्य तथा स्थानीय धनवहादुर बोहोराले जानकारी दिए । घरमा ल्याउन रुखमुनि जम्मा गरि राखेको अवस्थामा चट्याङ परेको हो । ऐडिका ५० वटा र रोकायाका ३० वटा भेडाबाख्रा छन् । उनिहरुको घरखर्च भेडाबाख्राबाटै चल्ने गरेको छ । चट्याङमा परि भेडाबाख्रा मर्दा किसानहरु दुखि भएका छन् । गुठिगाउँमा रहेका १ सय ७५ घरधुरीका १ सय बढी परिवारले भेडाबख्रा पाल्ने गरेका छन् । गाउँमा करिब ३ हजार ५ सय जति भेडाबाख्रा रहेको बोहोराले बताए । उनका अनुसार एउटै भेडाबाख्राको मुल्य कम्तिमा १० हजार देखि बढीमा २५ हजारसम्म पर्ने गर्दछ ।

पशु अस्पताल तथा पशु सेवा कार्यालय जुम्लाका अनुसार जिल्लाकै सबैभन्दा बढी भेडापालन हुने ठाउँ गुठिचौरको पूर्वि क्षेत्र हो । पाटन र खर्कमा व्यवस्थित भेडीगोठ नहुँदा हरेक वर्ष चट्याङबाट भेडाबाख्रामा ठुलो क्षति गर्ने गरेको कार्यालयले जनाएको छ । भेडाबाख्रा चट्याङबाट मरेपछि घर खर्च चलाउनमा समस्या भएको उनीहरुले बताएका छन् । किसान हिर वहादुर ऐडिले भने, यहि पेशाबाट घर खर्च देखि छोराछोरीको पढाइ खर्च सहज रुपले चलेको थियो । राहत र क्षतिपूर्तिका लागि सम्बन्धित निकायलाई सहयोगको लागि उनले अनुरोध समेत गरेका छन् । गुठिचौर २ का वडाध्यक्ष दिपवहादुर ऐडिले स्थानीय सरकारबाट हुने सहयोग गरिने जानकारी गराए । वडामा रकम नभएकाले पालिकामा रहेको विपद् शाखामा कुरा राख्ने उनको भनाइ छ ।

 नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १३६ रुपैयाँ ५२ पैसा र बिक्रीदर १३७ रुपैयाँ १२ पैसा कायम भएको छ ।

युरोपियन युरो एकको खरिददर १५२ रुपैयाँ ९२ पैसा र बिक्रीदर १५३ रुपैयाँ ५९ पैसा, युके पाउण्ड स्ट्रलिङ एकको खरिददर १८१ रुपैयाँ ५० पैसा र बिक्रीदर १८२ रुपैयाँ ३० पैसा, स्वीस फ्रयाङ्क एकको खरिददर १६३ रुपैयाँ ११ पैसा र बिक्रीदर १६३ रुपैयाँ ८२ पैसा कायम गरिएको छ ।  अष्ट्रेलियन डलर एकको खरिददर ८७ रुपैयाँ ६० पैसा र बिक्रीदर ८७ रुपैयाँ ९९ पैसा, क्यानेडियन डलर एकको खरिददर ९७ रुपैयाँ ७७ पैसा र बिक्रीदर ९८ रुपैयाँ २० पैसा तथा सिङ्गापुर डलर एकको खरिददर १०५ रुपैयाँ १२ पैसा र बिक्रीदर १०५ रुपैयाँ ५९ पैसा निर्धारण गरिएको छ ।

जापानी येन १० को खरिददर नौ रुपैयाँ ३८ पैसा र बिक्रीदर नौ रुपैयाँ ४२ पैसा, चिनियाँ युआन एकको खरिददर १८ रुपैयाँ ९५ पैसा र बिक्रीदर १९ रुपैयाँ ०३ पैसा, साउदी अरेबियन रियाल एकको खरिददर ३६ रुपैयाँ ४० पैसा र बिक्रीदर ३६ रुपैयाँ ५६ पैसा तथा कतारी रियाल एकको खरिददर ३७ रुपैयाँ ४६ पैसा र बिक्रीदर ३७ रुपैयाँ ६२ पैसा कायम भएको छ ।  केन्द्रीय बैंकका अनुसार थाइ भाट एकको खरिदर चार रुपैयाँ १० पैसा र बिक्रीदर चार रुपैयाँ १२ पैसा, युएई दिराम एकको खरिददर ३७ रुपैयाँ १७ पैसा र बिक्रीदर ३७ रुपैयाँ ३३ पैसा, मलेसियन रिङ्गेट एकको खरिददर ३१ रुपैयाँ ७८ पैसा र बिक्रीदर ३१ रुपैयाँ ९२ पैसा, साउथ कोरियन वन १०० को खरिददर नौ रुपैयाँ ७८ पैसा र बिक्रीदर नौ रुपैयाँ ८२ पैसा, स्वीडिस क्रोनर एकको खरिददर १३ रुपैयाँ ९९ पैसा र बिक्रीदर १४ रुपैयाँ ०५ पैसा तथा डेनिस क्रोनर एकको खरिददर २० रुपैयाँ ५० पैसा र बिक्रीदर २० रुपैयाँ ५९ पैसा तोकिएको छ ।

राष्ट्र बैंकले हङकङ डलर एकको खरिददर १७ रुपैयाँ ४७ पैसा र बिक्रीदर १७ रुपैयाँ ५५ पैसा, कुवेती दिनार एकको खरिददर ४४४ रुपैयाँ १७ पैसा र बिक्रीदर ४४६ रुपैयाँ १२ पैसा, बहराइन दिनार एकको खरिदर ३६२ रुपैयाँ १५ पैसा र बिक्रीदर ३६३ रुपैयाँ ७४ पैसा तथा ओमानी रियाल एकको खरिददर ३५४ रुयैयाँ ६२ पैसा र विक्रीदर ३५६ रुपैयाँ १८ पैसा रहेको छ ।  भारतीय रुपैयाँ एक सयको खरिददर १६० रुपैयाँ र बिक्रीदर १६० रुपैयाँ १५ पैसा तोकेको छ । राष्ट्र बैंकले यो विनिमयदरलाई आवश्यकतानुसार जुनसुकै समयमा पनि संशोधन गर्न सकिने जनाएको छ । वाणिज्य बैंकले तोक्ने विनिमयदर भने फरक हुनसक्ने र अद्यावधिक विनिमयदर केन्द्रीय बैंकको वेबसाइटमा उपलब्ध हुने जनाइएको छ ।