प्रधानमन्त्री केपी शर्मा ओली रसुवाको बाढी पहिरो प्रभावित क्षेत्रको अवलोकन गर्न जाने भएका छन्।

उनले गृहमन्त्री रमेश लेखक र अर्थमन्त्री विष्णु पौडेलको साथ दुई हेलिकोप्टरबाट यात्रा गर्ने योजना बनाएको हो।

साथै, नेपाली सेनाका प्रधानसेनापति अशोकराज सिग्देल, प्रहरी प्रमुख दीपक थापा र सशस्त्र प्रहरी प्रमुख राजु अर्याल पनि अवलोकनमा सहभागी हुनेछन्।

मंगलबार दिउँसो १२ः५० बजेसम्म नेपाल प्रहरी, सशस्त्र प्रहरी बल र नेपाली सेनाको संयुक्त उद्धार टोलीले उनीहरूलाई सुरक्षित स्थानमा सारिएको सुरक्षा निकायले जनाएका छन् ।

प्रहरीका अनुसार उद्धार गरिएकामध्ये ४ महिला र ४६ पुरुष छन् । उनीहरूलाई झोलुङ्गे पुल प्रयोग गरेर पैदलमार्गबाट सुरक्षित स्थानमा ल्याइएको हो ।

उद्धार गरिएकामध्ये १ जना चिनियाँ नागरिक समेत रहेको जनाइएको छ ।

सोमबार रातिदेखि परेको अविरल वर्षासँगै चीनतर्फबाट आएको बाढीले ड्याम साइडमा काम गरिरहेका कामदार तथा अन्य व्यक्तिहरू त्यहाँ फसेका थिए ।

सुरक्षा निकायका अनुसार अझै पनि केही स्थानमा जोखिम कायम रहेकाले सतर्कता अपनाउन आग्रह गरिएको छ ।

सभापति देउवाले आज सामाजिक सञ्जालमार्फत रसुवाको भोटेकोसी नदीमा आएको बाढीबाट भएको क्षतिप्रति गहिरो दुःख व्यक्त गर्दै उद्धार र राहतमा जुट्न कार्यकर्तालाई आग्रह गरेका हुन् ।

उनले बाढी प्रभावित क्षेत्रमा उद्धार र राहत सामग्री वितरणलाई प्रभावकारी रुपमा तत्काल अघि बढाउन सरकारलाई अनुरोध पनि गरेका छन् । उक्त बाढीमा परेर हालसम्म छ चिनियाँ नागरिकसहित १८ जना हराइरहेका छन्भने नौ जनाको सकुशल उद्धार गरिएको जिल्ला प्रशासन कार्यालय रसुवाले जनाएको छ ।

रसुवास्थित नेपाल-चीन सीमामा रहेको ल्हेन्दे खोलामा आज बिहान आएको बाढीमा परी चार वटा हाइड्रोपावरमा क्षति भएको हो।

क्षति हुनेमा कारण रसुवागढी जलविद्युत आयोजना, त्रिशूली थ्री ‘ए’, चिलिमे हाइड्रोपावर र बेनी हाइड्रोपावर रहेका छन्।

बाढीका कारण सबैभन्दा बढी रसुवागढी जलविद्युत आयोजनामा क्षति पुगेको नेपाल विद्युत् प्राधिकरणका प्रवक्ता राजन ढकालले जानकारी दिए। यस आयोजनाको बाँधको गेट बगाएको उनले जानकारी दिए।

‘बाढीका कारण चार जलविद्युत आयोजनामा क्षति भएको छ। सबैभन्दा बढी रसुवागढी जलविद्युत आयोजनामा भएको छ। अन्यमा सामान्य क्षति भएको छ’, उनले अगाडी भने, ‘यी जलविद्युत आयोजनाहरूमा मानवीय क्षति भने भएको छैन।’

उनका अनुसार त्रिशूली थ्री ‘ए’ आयोजनाको भवनमा बाढी पसेको छ। रसुवागढी जलविद्युत आयोजना अन्तर्गतको पुल समेत बगाएको छ।

रसुवागढी जलविद्युत आयोजना १११ मेगावाट, त्रिशुली थ्री ‘ए’ ६० मेगावाट, चिलिमे हाइड्रोपावर २१ मेगावाट र बेनी हाइड्रोपावर १९ मेगावाटका हुन्।

रसुवामा रहेका चिलिमे, साञ्जेन, रसुवागढी जस्ता अन्य आयोजनामा क्षति पुगेको तर एकीकृत विवरण आउन बाँकी रहेको छ।