Blog

 रुकुम पश्चिमको आठबिसबोट निवासी मोडेल दीपा शाहीले ‘उत्कृष्ट महिला मोडेल’ अवार्ड पाएकि छिन् ।

साधना म्युजिक क्रिएशनको प्रस्तुति “पाँचौँ राष्ट्रिय साधना म्युजिक अवार्ड (रिवार्ड) – २०८१” मा मोडेल शाहीलाई ‘उत्कृष्ट महिला मोडेल’ को अवार्ड प्रदान गरिएको हो। समीक्षा अधिकारीको स्वरमा सजिएको लोकप्रिय गीत ‘कस्ती थियौ, कस्ती भयौ’ मा प्रभावशाली अभिनय प्रस्तुत गरेपछि शाहीले यो सम्मान हात पारेकि हुन्। चलचित्र विकास बोर्डमा आयोजित भव्य कार्यक्रममा आकर्षक सुटमा ग्ल्यामरस अवतारमा देखिएकी शाहीको गीतको भाव, अभिनय र प्रस्तुतीकरणमा उनले दर्शक तथा निर्णायकको मन जित्न सफल भएको आयोजकले जानकारी दिएको छ।

उक्त कार्यक्रममा विभिन्न विधामा अवार्ड वितरण गरिएको थियो। संगीतकर्मी, गायक गायिका, मोडेल, निर्देशक लगायतका प्रतिभाहरू सम्मानित भएका थिए । पुरस्कार ग्रहणपछि शाहीले यो सम्मानले म अझ प्रेरित भएको बताइन् । समीक्षा अधिकारी जस्तै प्रतिभाशाली गायिकाको गीतमा काम गर्न पाउनु गर्वको कुरा भएको उनको भनाई छ ।

 सल्यान जिल्लाको छत्रेस्वरी गाउँपालिकाले किसानलाई ५० प्रतिशत अनुदानमा ३९ वटा मिनी टेलर वितरण गरेको छ ।

कृषिमा आधुनिक प्रविधिको प्रवर्द्धन तथा श्रम लागत घटाउने उद्देश्यले पालिकाले समूह र सहकारीमा आबद्ध व्यवसायिक किसानलाई मिनी टेलर वितरण गरेको हो । पछिल्लो समयमा गाईगोरु पाल्न छाडिसकेका बेला खेतबारी बाँझिदै गएकाले किसानलाई आफ्नो खेत तथा पाखोबारी जोत्न सहज होस् भनेर पालिकाले ५० प्रतिशत अनुदानमा उपलब्ध गराएको मिनी टेलरले धेरै राहत हुने भएको छ । पालिकाले १९ लाख ४६ हजार रकम बराबरको मिनी टेलर किसानलाई वितरण गरेको छत्रेस्वरी गाउँपालिका अध्यक्ष ओजबहादुर बुढाथोकीले बताएका छन् । १९ लाख ४६ हजारमध्ये ५० प्रतिशत अनुदानमा पालिकाले ९ लाख ७३ हजार ब्यहोरेको र किसान तथा सहकारीले पनि त्यही अनुसारको रकम ब्यहोरेको उनले जानकारी दिए ।

पछिल्नो समयमा किसानहरुले विभिन्न किसिमका समस्या देखाउँदै खेतबारी जोत्ने गोरु पाल्न छाडिसकेका छन् । जसका कारण भएका खेतीयोग्य जग्गाहरु बाँझिदै गएका छन् । जसको प्रभाव खाद्य उत्पादनमा परेको छ । भएका जग्गा पनि बाँझो राख्नु नपरोस र किसान उत्पादनमा आत्मनिर्भर हुन् भनेर पालिकाले किसानलाई मिनि टेलर वितरण गरेको हो, उनले भने । श्रमशक्ति घटिरहेका बेला किसानहरुको माग अनुसार नै पालिकाले ५० प्रतिशत अदनुदानमा मिनी टेलर वितरण गराएको पालिकाका कृषि प्राविधिक दीपक पुनले बताए । गाउँपालिकाले वितरण गरेको एक मिनी टेलरको मूल्य ४९ हजार ९ सय ११ रुपैयाँ परेकोमा किसानले ५० प्रतिशत ब्यहोरेको उनले जानकारी दिए ।

गोरुले एउटा खेत जोत्न दुई घण्टा बढी समय लाग्नेमा मेसिनले जोत्दा एक घण्टामै सकिने भएकाले किसानलाई धेरै राहत हुने र समयको बचत हुँदा किसानले बचत समय अन्य काममा लगाउन सक्ने उनको भनाइ छ । कृषि उत्पादन बढाउन र खेतीपातीमा सहजताका लागि पालिकाले प्रत्येक वर्ष किसानलाई विभिन्न कृषि यन्त्रहरु वितरण गर्दै आएको उनको भनाइ छ ।

सुर्खेतको वीरेन्द्रनगरमा एक होटेलको स्वीमिङ पुलमा पौडी खेल्ने क्रममा डुबेर एक बालिकाको मृत्यु भएको छ । मृत्यु हुनेमा दैलेख दुल्लु नगरपालिका–११ घर भई हाल वीरेन्द्रनगर–३ तातोपानीमा बसोबास गर्दै आएकी १० वर्षीया प्रतिमा भण्डारी रहेको छन् । घटना शनिबार वीरेन्द्रनगर–४ स्थित पानारोमा होटेलमा भएको हो ।

पौडी खेल्ने क्रममा डुबेर घाइते भएकी उनको प्रदेश अस्पताल कालागाउँ सुर्खेतमा उपचारका क्रममा मृत्यु भएको जिल्ला प्रहरी कार्यालय सुर्खेतका प्रहरी नायब उपरीक्षक मोहनजंग बुढथापाले जानकारी दिए । डिएसपी बुढथापाका अनुसार घटनापछि होटेलका एक कर्मचारीलाई नियन्त्रणमा लिएर सोधपुछ गरिएको छ ।

तर होटल सञ्चालक दिनेश खड्कालाई भने पक्राउ गरिएको छैन । ‘स्वीमिङ पुलको जिम्मा अर्कै व्यक्तिले लिएको रहेछ,’ डिएसपी बुढथापाले भने, ‘हामीले अर्का एकजना कर्मचारीलाई सामान्य सोधपुछ गरेर छोडेका छौँ । जाहेरी आएपछि होटल सञ्चालकलाई पनि नियन्त्रणमा लिनेछौं ।,’ उनले हालसम्म पीडित परिवारबाट कुनै जाहेरी नआएकाले सञ्चालक खड्कालाई नियन्त्रणामा नलिएकाे बताए ।

हाल घटनाको अनुसन्धानका लागि प्रहरी टोलीले सिसीटिभी फुटेज अध्ययन गरिरहेको उनले बताए । ‘अहिले सिसीटिभी क्यामेरा हेर्ने काम भइहरेको छ, अब पोष्टमार्टम रिर्पाेट आएपछि थप अनुसन्धान प्रक्रिया अगाडि बढ्छ ।,’