जेन–जी आन्दोलनपछि पहिलोपटक सार्वजनिक मञ्चमा उभिए ओली

जेन–जी आन्दोलनपछि प्रधानमन्त्री पदबाट राजीनामा दिएका नेकपा (एमाले) अध्यक्ष केपी शर्मा ओली पहिलोपटक सार्वजनिक मञ्चमा उभिएका छन् ।
शनिवार एमालेनिकट राष्ट्रिय युवा संघ नेपालले भक्तपुरको गुण्डुमा आयोजना गरेको ‘बडादसैँको अवसरमा खुला भेटघाट कार्यक्रम’मार्फत जेन–जी आन्दोलनपछि ओली सार्वजनि मञ्चमा उभिएका हुन् । यस कार्यक्रममा ओलीले सम्बोधनसमेत गर्ने नेता महेश बस्नेतले जानकारी दिए ।
ओलीले जेन–जी आन्दोलन चर्किएपछि २४ भदौमा प्रधानमन्त्री पदबाट राजीनामा दिएका थिए । त्यसपछि नेपाली सेनाको सुरक्षामा बसेका ओली केही दिनअघि भक्तपुरको गुण्डमा डेरा लिएर बसेका छन् । उनको घर आन्दोलनकारीले आगजनी गरेका थिए ।