नेपालले मलेसियालाई हरायो

मलेसियासँगको पाँच खेलको द्विपक्षीय टि–२० क्रिकेट श्रृंखलाको चौथो खेलमा नेपालले मलेसियालाई पराजित गरेको छ । मगंलबार बायुमस क्रिकेट ओभल रंगशालामा भएको खेलमा मलेसियालाई ६ विकेटले पराजित गर्दै नेपालले जित हासिल गर्यो । यो सँगै ५ खेलको सिरिज २–२ को बाराबरीमा आएको छ । मलेसियाले दिएको ११२ रनको लक्ष्य नेपालले ४ विकेट गुमाए पूरा गर्यो ।
नेपालकी कप्तान इन्दू बर्माले नेपालकी लागि सर्वाधिक ४८ रन बनाइन् । ३९ बलको सामना गरेकी उनले ६ चौका प्रहार गर्दै नटआउट रहिन् । त्यस्तै, नेपालकी रुविना श्रेत्री २३ बलमा २३ रन बनाउँदै नटआउट रहिन् । नेपालकी ओपनर सम्झना खड्गाले ११ रन बनाउँदा पूजा महतोले ७ रन बनाइन् ।
मलेसियाको लागि आइन्ना हमिहाज हसिमले एक विकेट लिइन् । त्यसअघि टस जितेर पहिला ब्याटिङ गरेको मलेसियाले २० ओभरमा ५ विकेट गुमाएर १११ रन बनायो। मलेसियाको लागि मास एलिसा ५६ रन बनाउँदै अविजित रहिन् । नेपालको लागि कविता कुँवरले ३ विकेट लिइन् ।