गणतन्त्र दिवसको अवसरमा रक्तदान

गणतन्त्र दिवस २०८१ को अवसरमा तौलिहवा स्थित कपिलवस्तु अस्पतालमा रक्तदान र बिरामीहरुलाई फलफुल वितरण गरिएको छ।

नेपाल रेडक्रस सोसाईटी कपिलवस्तु शाखाको सहकार्य र कपिलवस्तु अस्पतालको आयोजनामा रक्तदान कार्यक्रम गरिएको हो। सो अवसरमा १६ जनाले रक्तदान गरेको अस्पतालका मेसु डाक्टर बिपिन जैसवलाले बताए।

प्रमुख जिल्ला अधिकारी विश्व प्रकाश अर्यालले ‘रक्तदान जीवन दान’ भन्ने नारालाई आत्मसात गरी रक्तदानका लागि चाहिने सामग्री हस्तान्तरण गरी कार्यक्रको शुभारम्भ गरेका थिए।

कार्यक्रममा कपिलवस्तु नगरपालिकाका मेयर सुदीप पौडेल, प्रहरी उपरिक्षक नवरत्न पौडेल ,पत्रकार महासंघ कपिलवस्तुका अध्यक्ष किरणमान बज्राचार्य नेपाल रेडक्रस सोसाईटीका महामन्त्री सन्तोष श्रीवास्तव, स्वास्थ्य कार्यालयका प्रमुख नारायाण चौधरी लगायतको सहभागीता थियो।

दिवस कै अवसरमा अस्पतालमा भर्ना भएका बिरामीहरुलाई कर्मचारी मिलन केन्द्रको अगुवाईमा फलफुल समेत बिररण गरिएको थियो।

यस्तै दिवसकै अवसरमा बालगृहमा रहेको ३१ जना बेसाहरा बालकहरुलाई समेत फुलफुल वितरण गरिएको थियो।

यस्तै दिवस कै अवसरमा जिल्ला प्रहरी कार्यालयमा वृक्षरोपण पनि गरिएको छ। प्रजिअ अर्याल, प्रहरी उपरिक्ष पौडेलले विरुवा रोपेर कार्यक्रमको शुभारम्भ गरेका थिए।