गण्डकीः मुख्यमन्त्री पाण्डेसँगै मन्त्रीद्वय थापा र गुरुङले पनि लिए सपथ

गण्डकी प्रदेशका नवनियुक्त मुख्यमन्त्री सुरेन्द्रराज पाण्डेले सपथ लिएका छन। गण्डकीका प्रदेश प्रमुख डिल्लीराज भट्टले पाण्डेलाई सपथग्रहण गराएका हुन्। यसैबीच, मुख्यमन्त्री पाण्डेले तीन सदस्यीय मन्त्रीमण्डल गठन गरेका छन्। उनले दुई जना मन्त्री नियुक्त गर्दै मन्त्री परिषद संख्या ३ पुर्याएका हुन्।

मुख्यमन्त्री पाण्डेले कास्कीका विन्दुकुमार थापा र लमजुङका टकराज गुरुङलाई मन्त्रीमा नियुक्त गरेका हुन् । दुबैले मुख्यमन्त्री पाण्डेसँगै सपथ लिए। गुरुङ लमजुङ प्रदेश क्षेत्र नम्बर १ बाट निर्वाचित प्रदेश सभा सदस्य हुन्। उनी पहिलोपटक मन्त्री बनेका हुन्। उनलाई आर्थिक मामिला मन्त्रीको जिम्मेवारी तोकिएको मुख्यमन्त्री तथा मन्त्री परिषदको कार्यालयले जनाएको छ।

कास्की–२ (ख)बाट निर्वाचित थापा तत्कालीन मुख्यमन्त्री कृष्णचन्द्र पोखरेल नेतृत्वको सरकारमा कानूनमन्त्री थिए। उनलाई सामाजिक विकास मन्त्रीको जिम्मेवारी तोकिएको छ।