झन्-झन् महगिंदै सुन

स्थानीय बजारमा पहेंलो धातुको मूल्य निरन्तर बढिरहेको छ। बुधबारको तुलनामा आज सुनको तोलामा नै दुई हजार तीन सय रूपैयाँले वृद्धि भएको छ।

बुधबार प्रतितोला एक लाख ३८ हजार दुई सयमा कारोबार भएको छापावाला सुन आज एक लाख ४० हजार पाँच सय रूपैयाँ निर्धारण भएको छ भने तेजाबी सुन भाउ पनि बढेको छ।

तेजाबी सुन बुधबार तोलामा एक लाख ३७ हजार पाँच सय ५० मा कारोबार भएकामा आज यो एक लाख ३९ हजार आठ सय रूपैयाँमा कारोबार भएको छ। अघिल्लो दिनको तुलनामा तेजाबी सुनको मूल्य तोलामा दुई हजार दुई सय ५० रूपैयाँले बढेको छ।

यसैगरी चाँदीको मूल्य तोलामा ७० रूपैयाँले बढेको छ। बुधबार एक हजार नौ सय ३० मा कारोबार भएको चाँदी आज एक हजार नौ सय रूपैयाँमा बिक्री भइरहेको नेपाल सुनचाँदी व्यवसायी महासङ्घले जनाएको छ।