सिद्धार्थ बैंकले वित्तीय व्यवस्थापन कर्जा सुविधा दिने

सिद्धार्थ बैंकले सोलुखुम्बु जिल्लाको पाङ्बोचेमा आमादब्लम मिनी हाइड्रोद्वारा प्रस्ताव गरिएको ९११ किलोवाट क्षमताको जलविद्युत् आयोजनाको वित्तीय व्यवस्थापन कर्जा सुविधा प्रदान गर्ने सम्बन्धी सम्झौता गरेको छ।

बैंकका प्रमुख कार्यकारी अधिकृत सुन्दरप्रसाद कँडेल, आयोजना कम्पनीका अध्यक्ष लक्ष्मण अधिकारी, वैकल्पिक ऊर्जा प्रबद्र्धन केन्द्रका कार्यकारी निर्देशक नवराज ढकाल र खुम्बु पासाङ ल्हामु गाँउपालिकाका अध्यक्ष मिङ्मा छिरी शेर्पाले संयुक्त रूपमा सम्झौतामा हस्ताक्षर गरेका छन्।

सम्झौता अनुसार नेपाल सरकार वैकल्पिक ऊर्जा प्रबद्र्धन केन्द्रमार्फत प्राप्त हुने आर्थिक सहयोगमा सम्पन्न हुने सो आयोजनामा सिदार्थ बैंकले विश्व बैंकबाट प्राप्त हुने ऋण रकम र बेलायती सरकारद्वारा सहयोग प्राप्त हुने च्यालेन्ज फन्ड प्रवाह गर्नको लागि साझेदार बैंकको रूपमा भूमिका निर्वाह गर्नेछ।