शाहरुख खान अस्पताल भर्ना

बलिवुडका किङ्ग शाहरुख खान अस्पताल भर्ना भएका छन्। मङ्गलवार अहमदावादमा आईपीएल म्याच हेर्न गएका उनलाई हि स्ट्रोक आएपछि अस्पताल भर्ना गरिएको हो।

कोलकोत्ता नाइट राइडर्सका सेयरधनी समेत रहेका शाहरुख आफ्नो टिमको हौसला बढाउन छोराछोरीसहित अहमदावाद पुगेका थिए। जहाँ उनलाई हिट स्ट्रोक भएको थियो। अत्यधिक गर्मीका कारण शरीरमा पानीको मात्राको कमीले गर्दा उनलाई डिहाइड्रेसन भएपछि केडी अस्पतालमा भर्ना गरिएको थियो।

कोलकोत्ताकी सेयरधनी रहेकी जुही चावला र शाहरुख खानकी पत्नी अस्पताल पुगेकी छिन्। शाहरुखलाई भेटे पछि जुही चावलाले उनको स्वास्थ्य अवस्थाबारे जानकारी दिँदै चिन्ताको विषय नरहेको बताइन्।

उनले शाहरुखको स्वास्थ्य अवस्था सुधार हुँदै गएको र उनी चाँडै स्वस्थ भएर फाइनल म्याचका लागि स्टेडियममै उपस्थित हुने पनि बताइन्।

कोलकोत्ता नाइट राइडर्स जारी आईपीएलको फाइनलमा पुगिसकेको छ। अब उपाधिका लागि उसले सनराइजर्स हैदरावाद र राजस्थान रोयल्समध्येको विजेतासँग भिड्ने छ।