नेपालगन्जमा उपप्रधान तथा गृहमन्त्री रवि लामिछानेको पुत्ला जलाइएको छ। नेपालगन्जको सदरलाईन टांगा स्टेशन नजिकै बिहीबार बेलुकी पुत्ला जलाइएको हो।
सहकारी ठगीमा आफू संलग्न भएपनि सत्ताको दुरुपयोग गरेर प्रहरीलाई मुद्दा चलाउन नदिएको, तर सहकारी ठगीका विषयमा निरन्तर समाचार लेख्ने कान्तिपुर मिडियाका अध्यक्ष कैलाश सिरोहियाको नागरिकतामा विवाद झिकेर पक्राउ गरिएको भन्दै नागरिक स्तरबाट पुत्ला जलाइएको हो।
सहकारी ठगी विरुद्ध समाचार लेख्ने स्वतन्त्र प्रेसलाई तर्साउने गृहमन्त्री लामिछानेको योजना अनुसार सिरोहियालाई पक्राउ गरेको उनीहरूको भनाई छ।
सो क्रममा उपस्थित सर्वसाधारणले गृहमन्त्री राजीनामा दे, सहकारी ठग मुर्दावाद जस्ता नारा लगाएका थिए।
हेर्नुहोस् तस्बिरहरू :
Leave a Reply