संघीय सांसद दुर्लभ थापाले सहकारी ठगी प्रकरण गिरीबन्धु टी इस्टेट भ्रष्टाचारमा लिप्तलाई छायाँमा पार्न सरकारले मिडियामा आतंक मच्चाएको बताएका छन्।
रफत सञ्चार क्लबमा बिहीबार आयोजित सञ्चार–संवाद कार्यक्रममा उनले सरकारले कान्तिपुर मिडियामा गरेको हस्तक्षेप आपत्तिजनक भएको बताए।
सांसद थापाले नेपाली कांग्रेसले घोषणा गरेको सडक आन्दोलन आवश्यक रहेको बताए। उनले संसद्मा सत्तापक्षको अहिलेको रवैयाले गर्दा संसदीय इतिहासमा कालो धब्बा लागेको पनि टिप्पणी गरे।
केही दिन अगाडिको प्रतिनिधिसभाको बैठकको घटनाक्रम स्मरण गर्दै उनले भने, ‘संसद्को बैठकमा एमालेका अध्यक्ष केपी शर्मा ओलीले कांग्रेसका सांसदहरूप्रति जुन अभद्र व्यवहार देखाए, त्यो अत्यन्त दुःखदायी र घोर भर्त्सनायोग्य छ।
ओली अहिले गिरीबन्धु भ्रष्टाचार काण्डबाट आक्रान्त, आत्तिएका, अत्तालिएका र मात्तिएर अराजक स्थिति सिर्जना गर्नेतर्फ प्रयासरत छन्।’
Leave a Reply