३० लाखको सडकमा अनियमितता आंशका

स्थानीय पूर्वाधार विकास आयोजना सुर्खेत मार्फत दैलेखको नारायण नगरपालिका –२ मा निर्माण गरिएको रोटीखोला माँझगाउँ सडक स्तराेन्नत्तिको काममा अनियमितता भएको स्थानीयले आरोप लगाएका छन्।

स्थानीयहरूले योजनामा विओकेमा उल्लेख गरिएभन्दा फरक रूपमा काम गरेको आरोप लगाएका हुन्। स्थानीयले ठेक्का गर्दा विओकेमा उल्लेख भएअनुसार काम नभई निर्माणस्थलमा फरक भएको दावी गरेका छन्।

उक्त सडक स्तरउन्नतीको नाममा साईटमा पिसिसि गरिएको छ। तर, स्थानीयले विओकेमा आरसिसि गर्ने उल्लेख रहेको बताएका हुन्। ३० लाख रुपैया बजेट भएको उक्त सडक उन्नत्ति योजनामा अनियमितता भएको स्थानीयहरूले आरोप लगाएका छन्।

कार्यालयबाट साईटमा खटिएका ईन्जिनियरले सस्तोमा सडक ढलान गराएको आरोप स्थानीयले लगाएका हुन्। स्तराेन्नत्ति गरिएको सडकमा २५ मिटर आरसिसि गरिएको छ,भने १ सय मिटर पिसिसि गरिएको स्थानीय धुव्रविक्रम थापाले बताए।

विओकेमा आरसिसि गर्ने भनिए पनि साईट हेर्ने प्राविधिकको मिलोमत्तोमा आरसिसि गरिएको छ। स्थानीय धुव्रविक्रम थापाले भने, ‘बोलपत्र आह्वान गर्दा उल्लेख भएको विओकेअनुसार साईटमा काम भएको छैन्। ढलानको मोटाइ पनि कम छ। आरसिसि गर्दा सरिया राखेर गर्नुपर्छ भने पिसिसि गर्दा सरिया राखिदैन्।’

सरिया नराखेर ढलान गर्दा ठेकेदारलाई फाईदा हुने र बचेको पैसा प्राविधिकहरूले बाँडेर खाने भएकाले अनियमितता भएको स्थानीयहरु बताउँछन्। निर्माणस्थलमा सुचनापार्टी पनि राखिएको छैन।

दैलेखमा आयोजनास्थलबाट १४ वटा सडक योजनाको ठेक्का भएको थियो। आयोजना कार्यालयले स्टेटमेन्टअनुसार काम भएको प्रतिक्रिया दिएको छ।